BSNL Returns to Profitability After 17 Years

പതിനേഴു വർഷത്തെ ഇടവേളയ്ക്കുശേഷം, ബിഎസ്എൻഎൽ വാർഷിക ലാഭത്തിലേക്ക് തിരിച്ചെത്തി. നടപ്പ് സാമ്പത്തിക വർഷത്തിന്റെ മൂന്നാം പാദത്തിൽ 262 കോടി രൂപയുടെ ലാഭമാണ് ബിഎസ്എൻഎൽ രേഖപ്പെടുത്തിയത്. ഈ സാമ്പത്തിക വർഷം അവസാനിക്കുമ്പോൾ 20 ശതമാനം ലാഭത്തിലെത്തുമെന്നാണ് കമ്പനി പ്രതീക്ഷിക്കുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുതിയ സേവനങ്ങൾ അവതരിപ്പിച്ചതും കഴിഞ്ഞ വർഷത്തെ അപേക്ഷിച്ച് 1800 കോടി രൂപയുടെ ചെലവ് കുറയ്ക്കാനായതും ലാഭത്തിലെത്താൻ സഹായകമായെന്ന് വാർത്താവിനിമയ മന്ത്രി ജ്യോതിരാദിത്യ സിന്ധ്യ പറഞ്ഞു. വിവിധ സേവനങ്ങളിലായി വരുമാനത്തിൽ 1418 ശതമാനം വർധനവാണ് കമ്പനിക്കുണ്ടായത്. 2007-നു ശേഷം ഇതാദ്യമായാണ് ബിഎസ്എൻഎൽ ലാഭത്തിലെത്തുന്നത്.

ഉപഭോക്തൃ എണ്ണത്തിലും ഗണ്യമായ വർധനവാണ് രേഖപ്പെടുത്തിയത്. ജൂണിൽ 8. 4 കോടിയുണ്ടായിരുന്ന ഉപഭോക്താക്കളുടെ എണ്ണം ഡിസംബറിൽ 9 കോടിയായി ഉയർന്നു.

ഒക്ടോബർ മുതൽ ഡിസംബർ വരെയുള്ള മൂന്നാം പാദത്തിലാണ് കമ്പനി ലാഭം കൈവരിച്ചത്. സാമ്പത്തിക ചെലവുകൾ നിയന്ത്രിച്ചതും ലാഭത്തിലെത്താൻ കാരണമായി. 5G സേവനം എത്രയും വേഗം നൽകുക എന്നതാണ് ബിഎസ്എൻഎല്ലിന്റെ അടുത്ത ലക്ഷ്യം.

യുഎഇയിലും ഇനി ബിഎസ്എൻഎൽ സിം ഉപയോഗിക്കാം; ആകർഷകമായ റോമിംഗ് പ്ലാനുകളുമായി ബിഎസ്എൻഎൽ

പതിനേഴു വർഷത്തിനുശേഷം ആദ്യമായാണ് സ്ഥാപനം വാർഷിക ലാഭത്തിലെത്തുന്നത് എന്നതും ശ്രദ്ധേയമാണ്.

Story Highlights: BSNL reports a profit of Rs 262 crore in the third quarter of the current financial year, marking its return to annual profitability after 17 years.