ജമ്മു◾: അതിർത്തിയിൽ വെടിവെപ്പിൽ പരിക്കേറ്റ ബിഎസ്എഫ് ജവാൻ വീരമൃത്യു വരിച്ചു. ആർഎസ് പുരയിലെ അതിർത്തിയിൽ വെടിയേറ്റ ബിഎസ്എഫ് ജവാൻ ദീപക് ചിംങ്കാം ശനിയാഴ്ച വെടിയേറ്റതിനെ തുടർന്ന് ഇന്നലെയാണ് മരിച്ചത്. അദ്ദേഹത്തിന് വെടിയേറ്റതിന് പിന്നാലെ ആശുപത്രിയിലേക്ക് മാറ്റിയിരുന്നു. പാകിസ്താനിൽ നിന്നുണ്ടായ പ്രകോപനത്തിനെതിരെ ഇന്ത്യ തിരിച്ചടിക്കുന്നതിനിടെയാണ് ജവാന് പരുക്കേറ്റത്.
പാക് ആക്രമണത്തിൽ വീരമൃത്യു വരിച്ച ജവാന്മാരുടെ എണ്ണം ആറായി ഉയർന്നു. മണിപ്പൂരിൽ നിന്നുള്ള ജവാനായിരുന്നു ദീപക് ചിംങ്കാം. അദ്ദേഹത്തിന്റെ ധീരമായ സേവനത്തെ ബിഎസ്എഫ് അനുസ്മരിച്ചു. മുൻ മണിപ്പൂർ മുഖ്യമന്ത്രി എൻ. ബിരേൻ സിംഗ് അനുശോചനം അറിയിച്ചു.
ബിഎസ്എഫ് കോൺസ്റ്റബിൾ ദീപക് ചിംങ്കാമിന്റെ ത്യാഗത്തെ ബിഎസ്എഫ് ആദരിക്കുന്നു. 2025 മെയ് 10 ന് ജമ്മു ജില്ലയിലെ ആർഎസ് പുര പ്രദേശത്ത് അന്താരാഷ്ട്ര അതിർത്തിയിൽ നടന്ന വെടിവയ്പ്പിൽ അദ്ദേഹത്തിന് ഗുരുതരമായി പരിക്കേറ്റു. തുടർന്ന് 2025 മെയ് 11 ന് അദ്ദേഹം വീരമൃത്യു വരിച്ചു എന്ന് ബിഎസ്എഫ് അറിയിച്ചു.
പാകിസ്താനിൽ നിന്നുള്ള അതിർത്തി കടന്നുള്ള വെടിവയ്പിൽ ഗുരുതരമായി പരിക്കേറ്റ് ഡ്യൂട്ടിക്കിടെ ജീവൻ വെടിഞ്ഞ ബിഎസ്എഫ് ജവാൻ ദീപക് ചിംഗാഖത്തിന്റെ രക്തസാക്ഷിത്വത്തിൽ ദുഃഖം രേഖപ്പെടുത്തുന്നു എന്ന് എൻ. ബിരേൻ സിംഗ് പറഞ്ഞു. ദീപക് ചിംഗാഖം മണിപ്പൂരിന്റെ അഭിമാനിയായ മകനായിരുന്നുവെന്നും അദ്ദേഹം കൂട്ടിച്ചേർത്തു. അദ്ദേഹത്തിന്റെ ധൈര്യവും രാഷ്ട്രത്തോടുള്ള സമർപ്പണവും നമ്മുടെ ജനങ്ങളുടെ സംരക്ഷണത്തിനും സേവനത്തിനുമുള്ള അചഞ്ചലമായ പ്രതിബദ്ധതയെ പ്രതിഫലിപ്പിക്കുന്നുവെന്നും അദ്ദേഹം അനുസ്മരിച്ചു.
പാകിസ്താൻ പ്രകോപനത്തിനെതിരെ ഇന്ത്യൻ സൈന്യം ശക്തമായി തിരിച്ചടി നൽകി. ഇതിനിടെയാണ് ദീപക് ചിംങ്കാമിന് വെടിയേറ്റത്. അദ്ദേഹത്തെ ഉടൻ തന്നെ അടുത്തുള്ള ആശുപത്രിയിൽ പ്രവേശിപ്പിച്ചെങ്കിലും ജീവൻ രക്ഷിക്കാനായില്ല. അദ്ദേഹത്തിന്റെ അകാലത്തിലുള്ള വിയോഗം രാജ്യത്തിന് വലിയ നഷ്ടം തന്നെയാണ്.
രാജ്യത്തിനു വേണ്ടി ജീവൻ വെടിഞ്ഞ ദീപക് ചിംങ്കാമിന്റെ ഓർമ്മകൾ എന്നും നിലനിൽക്കും. അദ്ദേഹത്തിന്റെ ധീരതയും സേവനവും എക്കാലത്തും സ്മരിക്കപ്പെടും. അദ്ദേഹത്തിന്റെ കുടുംബാംഗങ്ങളുടെ ദുഃഖത്തിൽ പങ്കുചേരുന്നതായി ബിഎസ്എഫ് അറിയിച്ചു.
Story Highlights : BSF Jawan from Manipur Martyred in Cross Border Firing at Jammu
അബദ്ധത്തില് അതിര്ത്തി കടന്നതിനെ തുടര്ന്ന് പാകിസ്താന് കസ്റ്റഡിയിലെടുത്ത ബിഎസ്എഫ് ജവാന് പി കെ Read more
ആർ.എസ് പുരയിൽ പാക് ഷെല്ലാക്രമണത്തിൽ ബിഎസ്എഫ് ജവാന് വീരമൃത്യു. ബിഎസ്എഫ് എസ്ഐ എം.ഡി. Read more
ജമ്മുവിൽ ബ്ലാക്ക്ഔട്ടാണെന്നും നഗരത്തിൽ സൈറനുകൾ മുഴങ്ങിക്കേൾക്കുന്നുവെന്നും ജമ്മു കശ്മീർ മുഖ്യമന്ത്രി ഒമർ അബ്ദുള്ള Read more
ഓപ്പറേഷൻ സിന്ദൂറിന് പിന്നാലെ ജമ്മുവിൽ പാക് സൈന്യം ഷെല്ലാക്രമണം നടത്തി. ആക്രമണത്തിൽ 15 Read more
പാകിസ്താൻ പൗരയെ വിവാഹം കഴിച്ച വിവരം മറച്ചുവെച്ചതിന് സിആർപിഎഫ് ജവാനെ സർവീസിൽ നിന്ന് Read more
അതിർത്തി കടന്നെന്ന് ആരോപിച്ച് പിടിയിലായ ബിഎസ്എഫ് ജവാനെ ആറു ദിവസമായിട്ടും പാക്കിസ്ഥാൻ വിട്ടുനൽകിയില്ല. Read more
പാകിസ്ഥാൻ റേഞ്ചേഴ്സ് പിടികൂടിയ ബി.എസ്.എഫ് ജവാനെ നാലാം ദിവസവും വിട്ടയച്ചിട്ടില്ല. ജവാനെ കൈമാറുന്നത് Read more
പാകിസ്താൻ സൈന്യം ബി.എസ്.എഫ് ജവാനെ തടങ്കലിലാക്കി. ജവാനെ വിട്ടയച്ചില്ലെങ്കിൽ കടുത്ത പ്രത്യാഘാതങ്ങൾ നേരിടേണ്ടിവരുമെന്ന് Read more
