Prithviraj responds to sexual assault case on Bro Daddy set

ബ്രോ ഡാഡി സിനിമയുടെ അസിസ്റ്റന്റ് ഡയറക്ടർക്കെതിരെയുള്ള ലൈംഗിക പീഡന പരാതിയിൽ നടനും സംവിധായകനുമായ പൃഥ്വിരാജ് സുകുമാരൻ പ്രതികരിച്ചു. വിവരമറിഞ്ഞയുടൻ തന്നെ അസിസ്റ്റന്റ് ഡയറക്ടർ മൻസൂറിനെ പുറത്താക്കുകയും പൊലീസിനു മുന്നിൽ ഹാജരായി നിയമനടപടി നേരിടാൻ നിർദേശിക്കുകയും ചെയ്തതായി അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ദേശീയ മാധ്യമങ്ങളാണ് ഈ വാർത്ത റിപ്പോർട്ട് ചെയ്തത്. കഴിഞ്ഞ വർഷം ഒക്ടോബറിൽ എമ്പുരാൻ ഷൂട്ടിംഗിന്റെ തുടക്കത്തിലാണ് ചീഫ് അസോസിയേറ്റ് ഡയറക്ടർ വഴി മൻസൂറിനെതിരെയുള്ള കേസിനെക്കുറിച്ച് അറിഞ്ഞതെന്ന് പൃഥ്വിരാജ് വെളിപ്പെടുത്തി.

അതുവരെ ഒന്നും അറിഞ്ഞിരുന്നില്ലെന്നും, അറിഞ്ഞയുടൻ തന്നെ അയാളെ ഷൂട്ടിംഗിൽ നിന്ന് മാറ്റിനിർത്തുകയും പൊലീസ് സ്റ്റേഷനിൽ ഹാജരാകാൻ നിർദേശിക്കുകയും ചെയ്തതായും അദ്ദേഹം പറഞ്ഞു. ബ്രോ ഡാഡിയുടെ ഷൂട്ടിംഗ് വേളയിൽ അസിസ്റ്റന്റ് ഡയറക്ടറായ മൻസൂർ റഷീദ് തന്നെ ലൈംഗികമായി പീഡിപ്പിച്ചെന്ന പരാതിയുമായി ഒരു ജൂനിയർ ആർട്ടിസ്റ്റ് രംഗത്തെത്തിയിരുന്നു.

ആദ്യം ഫെഫ്കയിൽ പരാതിപ്പെട്ടെങ്കിലും നടപടിയൊന്നും സ്വീകരിച്ചില്ലെന്ന് പരാതിക്കാരി പറഞ്ഞു. പിന്നീട് എമ്പൂരാൻ ചിത്രത്തിലും മൻസൂർ റഷീദിനെ ഉൾപ്പെടുത്തിയ വിവരമറിഞ്ഞ് ചീഫ് അസോസിയേറ്റ് ഡയറക്ടറെ സംഭവം അറിയിക്കുകയും അദ്ദേഹം വഴി പൃഥ്വിരാജ് വിവരം അറിയുകയും ചെയ്തതായി യുവതി വെളിപ്പെടുത്തി.

ലോകം ചാപ്റ്റർ 2 വരുന്നു; ടൊവിനോ തോമസ് നായകന്

തുടർന്ന് എമ്പൂരാന്റെ സെറ്റിൽ നിന്ന് മൻസൂറിനെ ഒഴിവാക്കിയതായും അവർ പറഞ്ഞു.

Story Highlights: Prithviraj responds to sexual assault case on Bro Daddy set, removes assistant director

‘ലോക’ 290 കോടി ക്ലബ്ബിൽ; 35 ദിവസം കൊണ്ട് കണ്ടത് 1.18 കോടി പ്രേക്ഷകർ