Bollywood Actor Atul Parchure Dies at 57 After Cancer Battle

പ്രമുഖ ബോളിവുഡ് നടൻ അതുൽ പര്ചുരെ (57) അന്തരിച്ചു. അർബുദ ബാധിതനായിരുന്ന അദ്ദേഹത്തെ കഴിഞ്ഞ ദിവസം സ്റ്റേജ് ഷോയ്ക്കിടെ ആരോഗ്യ നില വഷളായതിനെ തുടർന്ന് ആശുപത്രിയിൽ പ്രവേശിപ്പിച്ചിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മറാത്തി നടനായി അഭിനയ രംഗത്ത് തുടക്കമിട്ട അദ്ദേഹം പിന്നീട് നിരവധി ഹിന്ദി സിനിമകളിലും ടെലിവിഷൻ പരിപാടികളിലും പ്രത്യക്ഷപ്പെട്ടു. റിയാലിറ്റി ഷോയായ കപിൽ ശർമ്മ ഷോയിലൂടെയാണ് അതുൽ പര്ചുരെ പ്രേക്ഷകർക്ക് പ്രിയങ്കരനായി മാറിയത്.

ഷാറൂഖ് ഖാന്, സല്മാന് ഖാന്, അജയ് ദേവ്ഗൺ, പ്രിയങ്ക ചോപ്ര, ജൂഹി ചൗള തുടങ്ങിയ പ്രമുഖ ബോളിവുഡ് താരങ്ങളോടൊപ്പം സ്ക്രീൻ പങ്കിട്ടിട്ടുണ്ട്. ഇതിൽ കൂടുതലും കോമഡി വേഷങ്ങളായിരുന്നു.

ഈ വർഷം റിലീസായ ‘അലിബാബ ആനി ചലിഷിതലേ ചോർ’ എന്ന സിനിമയിലാണ് അദ്ദേഹം അവസാനമായി അഭിനയിച്ചത്. ഒരു അഭിമുഖത്തിൽ കരളിൽ അർബുദം ബാധിച്ചതിനെക്കുറിച്ച് അതുൽ പര്ചുരെ വെളിപ്പെടുത്തിയിരുന്നു.

തുടക്കത്തിൽ ചികിത്സാപിഴവ് ഉണ്ടായെന്നും അതു കാരണം നടക്കാനും സംസാരിക്കാനും പോലും കഴിയാത്തവിധം രോഗം മൂർച്ഛിച്ചുവെന്നും അദ്ദേഹം പറഞ്ഞിരുന്നു. ഇപ്പോൾ ഈ മികച്ച നടന്റെ വിയോഗത്തോടെ ബോളിവുഡ് ലോകം ദുഃഖത്തിലാണ്.

എമ്പുരാൻ 50 കോടി ഓപ്പണിംഗ് നേട്ടം കൈവരിച്ചു

Story Highlights: Bollywood actor Atul Parchure passes away at 57 after battling cancer

സൽമാൻ ഖാൻ ചിത്രം സിക്കന്ദറിന്റെ വ്യാജ പതിപ്പ് ഓൺലൈനിൽ