BJP MLA N. Munirathna Naidu accused of rape by social activist

കർണാടകയിലെ ബിജെപി എംഎൽഎ എൻ. മുനിരത്ന നായിഡുവിനെതിരെ ഗുരുതരമായ ആരോപണങ്ങളുമായി ഒരു യുവതി രംഗത്തെത്തിയിരിക്കുകയാണ്. സാമൂഹിക പ്രവർത്തകയായ യുവതി, മുനിരത്ന തന്നെ പലതവണ ബലാത്സംഗം ചെയ്തതായി പൊലീസിൽ പരാതി നൽകിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിധാൻ സൗധയിലും കാറിലും വച്ച് ബലാത്സംഗം ചെയ്തതായി യുവതി മൊഴി നൽകിയിട്ടുണ്ട്. ഔദ്യോഗിക വാഹനത്തിലാണ് ഈ കൃത്യം നടന്നതെന്നും അവർ ആരോപിക്കുന്നു. മുനിരത്നയുടെ ഉടമസ്ഥതയിലുള്ള മുത്യാല നഗറിലെ ഗോഡൗണിലും തന്നെ ബലാത്സംഗം ചെയ്തതായി യുവതി പറയുന്നു.

സംഭവം പുറത്തറിയാതിരിക്കാൻ ഭീഷണിപ്പെടുത്തിയെന്നും വിവിധ സ്വകാര്യ റിസോർട്ടുകളിൽ ആളുകളെ ഹണിട്രാപ്പ് ചെയ്യാൻ നിർബന്ധിച്ചെന്നും അവർ ആരോപിക്കുന്നു. ജീവനു ഭീഷണിയുള്ളതിനാൽ ഹണി ട്രാപ്പ് അടക്കം ചെയ്യാൻ നിർബന്ധിതയായെന്നും യുവതി പൊലീസിനോട് വെളിപ്പെടുത്തി. എന്നാൽ മുനിരത്ന എല്ലാ ആരോപണങ്ളും നിഷേധിച്ചിട്ടുണ്ട്.

നഷ്ടപ്പെട്ടുവെന്ന് എംഎൽഎ അവകാശപ്പെടുന്ന മൊബൈൽ ഫോൺ കണ്ടെത്താൻ അന്വേഷണ സംഘം ശ്രമിക്കുന്നുണ്ട്. ആ ഫോണിൽ നിന്ന് വിഡിയോ കോളുകൾ വിളിച്ചിട്ടുണ്ടെന്ന് ഇരയായ യുവതി ആരോപിക്കുകയുണ്ടായി. ബലാത്സംഗം, ഹണി ട്രാപ്പ് കേസുകളിൽ അറസ്റ്റിലായതിനെ തുടർന്ന് പ്രത്യേക അന്വേഷണ സംഘത്തിന്റെ കസ്റ്റഡിയിലാണ് മുനിരത്ന ഇപ്പോൾ.

ജ്യോതിഷ് വധശ്രമം: നാല് പ്രതികളെയും കോടതി വെറുതെ വിട്ടു

Story Highlights: BJP MLA N. Munirathna Naidu accused of rape and honey trapping by social activist in Karnataka

ഉഷ്ണതരംഗം: കർണാടകയിലെ ഒൻപത് ജില്ലകളിൽ സർക്കാർ ഓഫീസുകളുടെ സമയം മാറ്റി