BJP accuses K Radhakrishnan of stopping Chelakkara temple fireworks

ചേലക്കര അന്തിമഹാകാളൻ കാവ് പൂരത്തിലെ വെടിക്കെട്ട് തടഞ്ഞതിന് പിന്നിൽ കെ രാധാകൃഷ്ണനാണെന്ന ആരോപണവുമായി ബിജെപി തൃശൂർ ജില്ലാ പ്രസിഡന്റ് കെ കെ അനീഷ് രംഗത്തെത്തി. മന്ത്രിയായിരുന്ന കെ രാധാകൃഷ്ണൻ പോലീസിന് നിർദേശം നൽകിയാണ് വെടിക്കെട്ട് തടഞ്ഞതെന്നാണ് ആരോപണം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ചേലക്കരയുടെ വികാരമായ അന്തിമഹാകാളൻ കാവ് പൂരത്തിലെ വെടിക്കെട്ട് കുളമാക്കിയെന്നും സിപിഐഎം അജണ്ടയാണ് നടന്നതെന്നും കെകെ അനീഷ് കുറ്റപ്പെടുത്തി. കഴിഞ്ഞ മീന മാസത്തിൽ നടന്ന പൂരത്തിൽ ക്ഷേത്രത്തിലെ പ്രധാന ചടങ്ങായ വെടിക്കെട്ട് സംബന്ധിച്ച് ചില പ്രശ്നങ്ങൾ ഉയർന്നിരുന്നു.

അഞ്ചു ദേശങ്ങൾ രണ്ട് നേരമായി നടത്തുന്ന ഈ പ്രധാന ചടങ്ങിൽ ഇടപെടണമെന്ന് ആവശ്യപ്പെട്ട് ക്ഷേത്രം അധികൃതർ മന്ത്രിയായിരുന്ന കെ രാധാകൃഷ്ണനെ ബന്ധപ്പെട്ടെങ്കിലും ഫോൺ ഓഫാക്കി വെച്ചെന്നടക്കമുള്ള ആരോപണങ്ങൾ ഉയരുകയാണ്. നിസാര പ്രശ്നങ്ങൾ പറഞ്ഞ് പോലീസ് വെടിക്കെട്ട് തടഞ്ഞുവെന്നും ബിജെപി ആരോപിക്കുന്നു.

ചേലക്കരയിൽ തൃശൂർ പൂരം കലക്കൽ പ്രചാരണ ആയുധമാക്കിയാൽ സിപിഐഎമ്മിന് തിരിച്ചടിയായേക്കുമെന്ന് കെ കെ അനീഷ് മുന്നറിയിപ്പ് നൽകി. തൃശൂരിൽ നേരിട്ടതിനേക്കാൾ വലിയ തോൽവി ഏറ്റു വാങ്ങേണ്ടി വരുമെന്നും അദ്ദേഹം പറഞ്ഞു.

തമിഴ്നാട് ബിജെപി അധ്യക്ഷ സ്ഥാനത്ത് നിന്ന് കെ. അണ്ണാമലൈയെ മാറ്റുമെന്ന് സൂചന

തൃശൂർ മോഡൽ പ്ലാൻ ബിജെപി ചേലക്കരയിൽ പ്രവർത്തികമാക്കുമെന്നും കേരളത്തിലെ ഏറ്റവും മോശം മണ്ഡലമായി ചേലക്കര മാറിയെന്നും അദ്ദേഹം കൂട്ടിച്ചേർത്തു. ജനങ്ങൾ ആഗ്രഹിക്കുന്നത് മൂന്നാം ഓപ്ഷനാണെന്നും ജയിക്കാനുള്ള തന്ത്രങ്ങൾ ബിജെപി അണിയറയിൽ ഒരുക്കിയിട്ടുണ്ടെന്നും കെ കെ അനീഷ് അവകാശപ്പെട്ടു.

Story Highlights: BJP alleges K Radhakrishnan responsible for stopping firecrackers at Chelakkara Anthimahakalan Kavu festival

എമ്പുരാൻ വിവാദം: ഹൈക്കോടതിയെ സമീപിച്ച ബിജെപി നേതാവിന് സസ്പെൻഷൻ