കൊച്ചി◾: ഭൂട്ടാനിൽ നിന്നുള്ള വാഹനക്കടത്തുമായി ബന്ധപ്പെട്ട് സിനിമാതാരങ്ങളായ ദുൽഖർ സൽമാനും അമിത് ചക്കാലയ്ക്കലിനും എൻഫോഴ്സ്മെന്റ് ഡയറക്ടറേറ്റ് (ഇഡി) നോട്ടീസ് നൽകും. ഇന്നലെ ഇഡി നടത്തിയ റെയ്ഡിൽ പിടിച്ചെടുത്ത രേഖകൾ പരിശോധിച്ച ശേഷം തുടർനടപടികളിലേക്ക് കടക്കും. ഹവാല ഇടപാടുകൾ നടന്നുവെന്ന സംശയത്തെ തുടർന്നാണ് ഇഡി പ്രധാനമായും അന്വേഷണം നടത്തുന്നത്.
ഇന്നലെ 13 മണിക്കൂർ നീണ്ട പരിശോധനയ്ക്ക് ഒടുവിലാണ് എൻഫോഴ്സ്മെന്റ് ഉദ്യോഗസ്ഥർ ദുൽഖറിൻ്റെ എളംകുളത്തെ വീട്ടിൽ നിന്നും മടങ്ങിയത്. വാഹനങ്ങളുടെ രേഖകൾ, പണം നൽകിയ രീതി, ഉടമസ്ഥ വിവരങ്ങൾ തുടങ്ങിയവയുമായി ബന്ധപ്പെട്ട വിവരങ്ങളാണ് ഇ.ഡി പ്രധാനമായും നടനിൽ നിന്നും ചോദിച്ചറിഞ്ഞത്. നിയമപരമായ നടപടിക്രമങ്ങൾ പൂർത്തിയാക്കിയാണ് വാഹനം വാങ്ങിയതെന്ന് ദുൽഖർ അന്വേഷണ സംഘത്തിന് മൊഴി നൽകിയിട്ടുണ്ട്. ദുൽഖർ സൽമാന്റെ ചെന്നൈയിലെ വീട്ടിലും ഓഫീസുകളിലും ഇഡി പരിശോധന നടത്തിയിരുന്നു.
ഇതിനായി ഇഡി കൊച്ചി യൂണിറ്റ് ഡെപ്യൂട്ടി ഡയറക്ടറുടെ നേതൃത്വത്തിൽ ഒരു അന്വേഷണ സംഘം ഇന്ന് യോഗം ചേരും. ഇന്നലെ ലഭിച്ച രേഖകളും വിവരങ്ങളും പരിശോധിച്ച ശേഷമായിരിക്കും തുടർന്നുള്ള നടപടികൾ സ്വീകരിക്കുക. ദുൽഖർ ഉൾപ്പെടെയുള്ളവരുടെ മൊഴികൾ ഇന്ന് സംഘം വിശദമായി പരിശോധിക്കും. ഭൂട്ടാൻ കാർ കടത്തുമായി ബന്ധപ്പെട്ട സാമ്പത്തിക ഇടപാടുകളിൽ ഹവാല നെറ്റ്വർക്കിന്റെ സാന്നിധ്യം ഇഡി പരിശോധിക്കുന്നുണ്ട്.
കോയമ്പത്തൂർ കേന്ദ്രീകരിച്ചുള്ള ഒരു സംഘം വഴി ഹവാല ഇടപാടുകൾ നടന്നുവെന്നാണ് ഇഡിയുടെ സംശയം. ഫെമ ചട്ടത്തിലെ 3,4,8 വകുപ്പുകളുടെ ലംഘനം നടന്നിട്ടുണ്ട് എന്നാണ് ഇഡിയുടെ പ്രാഥമിക കണ്ടെത്തൽ. ദുൽഖർ ഉൾപ്പെടെയുള്ളവർ ഫെമ ചട്ടം ലംഘിച്ചുവെന്നാണ് ഇഡിയുടെ വിലയിരുത്തൽ. കേസിൽ ഇ.സി.ഐ.ആർ. രജിസ്റ്റർ ചെയ്യുന്നത് ഉൾപ്പെടെയുള്ള കാര്യങ്ങൾ ഇഡി പരിശോധിക്കും.
ഇന്നലെ രാവിലെ ഏഴ് മണി മുതൽ കേരളത്തിലും തമിഴ്നാട്ടിലുമായി 17 കേന്ദ്രങ്ങളിൽ ഒരേസമയം ഉദ്യോഗസ്ഥർ പരിശോധന നടത്തിയിരുന്നു. ദുൽഖറിന് പുറമെ നടന്മാരായ പൃഥ്വിരാജ്, അമിത് ചക്കാലക്കൽ എന്നിവരുടെ വീടുകളിലും വിവിധ കാർ ഷോറൂമുകളിലും ഇ ഡി പരിശോധന നടത്തി. നിയമോപദേശത്തിനുശേഷമായിരിക്കും തുടർനടപടികൾ സ്വീകരിക്കുക. തുടർന്ന് ചെന്നൈയിൽ ആയിരുന്ന താരത്തിന്റെ മൊഴിയെടുക്കാനായി ഇ ഡി കൊച്ചിയിലേക്ക് വിളിച്ചുവരുത്തുകയായിരുന്നു.
ഇന്ത്യൻ ആർമിയുടെയും യുഎസ് എംബസിയുടെയും രേഖകൾ ഈ സംഘം വ്യാജമായി നിർമ്മിച്ചുവെന്നും, ഈ രേഖകൾ ഉപയോഗിച്ച് വാഹനങ്ങൾ വിൽപന നടത്തിയെന്നും ഇഡി കണ്ടെത്തിയിട്ടുണ്ട്. ഭൂട്ടാൻ വാഹനക്കടത്തിൽ ഹവാല ഉൾപ്പെടെയുള്ള അനധികൃത സാമ്പത്തിക ഇടപാടുകൾ നടന്നുവെന്ന കണ്ടെത്തലിനെ തുടർന്നായിരുന്നു ഇഡിയുടെ ഈ പരിശോധന. ബാങ്ക് അക്കൗണ്ട് വിവരങ്ങൾ ഹാജരാക്കാൻ ഇരുവർക്കും ഇ ഡി നിർദേശം നൽകിയിട്ടുണ്ട്.
Story Highlights: ഭൂട്ടാൻ വാഹനക്കടത്ത് കേസിൽ ദുൽഖർ സൽമാനും അമിത് ചക്കാലക്കലിനും ഇഡി നോട്ടീസ് നൽകും.
മസാല ബോണ്ട് കേസിൽ ഇ.ഡി. നോട്ടീസിനോട് പ്രതികരിച്ച് രമേശ് ചെന്നിത്തലയും കിഫ്ബി സി.ഇ.ഒ. Read more
തദ്ദേശ തിരഞ്ഞെടുപ്പ് അടുത്തിരിക്കെ, കിഫ്ബി വിവാദത്തിൽ മുഖ്യമന്ത്രിക്ക് ഇ.ഡി നോട്ടീസ് അയച്ചത് രാഷ്ട്രീയ Read more
എൽഡിഎഫ് കൺവീനർ ടി.പി. രാമകൃഷ്ണൻ കിഫ്ബിക്കെതിരായ കേന്ദ്ര സർക്കാർ നിലപാടിനെ വിമർശിച്ചു. മുഖ്യമന്ത്രിക്ക് Read more
കിഫ്ബി മസാല ബോണ്ട് കേസിൽ മുഖ്യമന്ത്രിക്ക് ഇഡി നോട്ടീസ് അയച്ചതിനെ കോൺഗ്രസ് നേതാവ് Read more
കിഫ്ബി മസാല ബോണ്ട് കേസിൽ മുഖ്യമന്ത്രിക്ക് ഇഡി നോട്ടീസ് അയച്ചതിനെതിരെ എം.വി. ഗോവിന്ദൻ Read more
കിഫ്ബി മസാല ബോണ്ട് കേസിൽ ഇഡി വീണ്ടും നോട്ടീസ് അയച്ചതിനെതിരെ മുൻ ധനമന്ത്രി Read more
കിഫ്ബി മസാല ബോണ്ട് ഇടപാടിൽ മുഖ്യമന്ത്രിക്ക് ഇഡി നോട്ടീസ് അയച്ച വിഷയത്തിൽ മാത്യു Read more
കിഫ്ബി മസാല ബോണ്ട് ഇടപാടിൽ ഫെമ ചട്ടലംഘനം ചൂണ്ടിക്കാട്ടി മുഖ്യമന്ത്രി പിണറായി വിജയന് Read more
ദുൽഖർ സൽമാൻ കേന്ദ്ര കഥാപാത്രമായി എത്തുന്ന കാന്ത എന്ന സിനിമയുടെ ദൈർഘ്യം കുറച്ചു. Read more
സിനിമയുടെ പ്രമോഷൻ പരിപാടിക്കിടെ ഒരു ചോദ്യത്തിന് മറുപടിയായി ദുൽഖർ സൽമാൻ പറഞ്ഞ വാക്കുകളാണ് Read more
