Basil Joseph praises Nazriya's performance in Sookshma Darsini

സൂക്ഷ്മദര്ശിനി എന്ന ചിത്രത്തിലൂടെ നാല് വര്ഷത്തിന് ശേഷം നസ്രിയ മലയാള സിനിമയിലേക്ക് മടങ്ങിയെത്തിയിരിക്കുകയാണ്. ബേസിൽ ജോസഫുമായി ഒന്നിച്ചാണ് നസ്രിയ ഈ ചിത്രത്തിൽ അഭിനയിച്ചിരിക്കുന്നത്. സിനിമയുടെ സെറ്റിൽ വച്ചാണ് ഇരുവരും ആദ്യമായി കണ്ടുമുട്ടിയത്. ഇരുവരുടെയും അഭിമുഖങ്ങൾ സോഷ്യൽ മീഡിയയിൽ വൈറലായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഒരു അഭിമുഖത്തിൽ സംസാരിക്കവേ, നസ്രിയയുമായുള്ള അഭിനയ അനുഭവത്തെക്കുറിച്ച് ബേസിൽ വിശദീകരിച്ചു. ഇതുവരെ വർക്ക് ചെയ്തതിൽ ഏറ്റവും കംഫർട്ടബിളായി വർക്ക് ചെയ്ത കോ-ആക്ട്രസാണ് നസ്രിയ എന്ന് അദ്ദേഹം പറഞ്ഞു. സിനിമയിലെ അവരുടെ കെമിസ്ട്രി യഥാർത്ഥ ജീവിതത്തിലെ കുസൃതിയും അലമ്പുമൊന്നുമല്ലെന്നും, മറിച്ച് രണ്ടുപേരുടെയും സ്വഭാവത്തിൽ ഒരുപാട് സാമ്യതകളുണ്ടെന്നും ബേസിൽ വ്യക്തമാക്കി.

സിനിമയുടെ പ്രോസസ് വളരെ രസകരമായിരുന്നുവെന്നും, തങ്ങൾ ഇരുവരും ഒരേ എനർജിയുള്ളവരാണെന്നും ബേസിൽ പറഞ്ഞു. മുൻപ് നേരിട്ട് പരിചയമില്ലെങ്കിലും ഇൻസ്റ്റഗ്രാമിലൂടെയും പൊതു സുഹൃത്തുക്കളിലൂടെയും അവർ പരസ്പരം അറിഞ്ഞിരുന്നു. ഇരുവരും ഒന്നിച്ച് ഒരു സിനിമ ചെയ്യണമെന്ന് പലരും ആഗ്രഹിച്ചിരുന്നുവെന്നും, അതിനുള്ള ശ്രമങ്ങൾ നേരത്തെ നടന്നിരുന്നുവെന്നും ബേസിൽ വെളിപ്പെടുത്തി. ആ ആഗ്രഹം സൂക്ഷ്മദർശിനിയിലൂടെ സാക്ഷാത്കരിച്ചിരിക്കുകയാണെന്നും അദ്ദേഹം കൂട്ടിച്ചേർത്തു.