Ayush Mission Thiruvananthapuram Job Openings: Apply Now

**തിരുവനന്തപുരം◾:** നാഷണൽ ആയുഷ് മിഷന്റെ തിരുവനന്തപുരം ജില്ലയിലെ വിവിധ പദ്ധതികളിലേക്ക് സ്പീച്ച് തെറാപ്പിസ്റ്റ്, റെമഡി എഡ്യൂക്കേറ്റർ, സൈക്കോ തെറാപ്പിസ്റ്റ് തസ്തികകളിൽ നിയമനത്തിനായി അപേക്ഷ ക്ഷണിച്ചു. യോഗ്യരായ ഉദ്യോഗാർത്ഥികളിൽ നിന്ന് മെയ് 5 വരെ അപേക്ഷകൾ സ്വീകരിക്കും.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ബാച്ചിലർ ഓഫ് ഓഡിയോളജി ആൻഡ് സ്പീച്ച് ലാംഗ്വേജ് പത്തോളജി, ഏർലി ചൈൽഡ്ഹുഡ് സ്പെഷ്യൽ എഡ്യുക്കേഷൻ ഡിപ്ലോമ, സ്പെഷ്യൽ എഡ്യൂക്കേഷൻ – ഓട്ടിസം സ്പെക്ട്രത്തിലെ ഡി.എഡ് എന്നിവയാണ് സ്പീച്ച് തെറാപ്പിസ്റ്റ്, റെമഡി എഡ്യൂക്കേറ്റർ തസ്തികകളിലേക്കുള്ള യോഗ്യത. സൈക്കോളജി/ അപ്ലൈഡ് സെക്കോളജി/ ക്ലിനിക്കൽ സൈക്കോളജിയിൽ ബിരുദാനന്തര ബിരുദവും ആർ.സി.ഐ രജിസ്ട്രേഷനുമുള്ളവർക്ക് സൈക്കോ തെറാപ്പിസ്റ്റ് തസ്തികയിലേക്ക് അപേക്ഷിക്കാം. 40 വയസ്സാണ് പ്രായപരിധി.

അപേക്ഷകർ തങ്ങളുടെ വിദ്യാഭ്യാസ യോഗ്യത, പ്രായം എന്നിവ തെളിയിക്കുന്ന സർട്ടിഫിക്കറ്റുകളുടെ സ്വയം സാക്ഷ്യപ്പെടുത്തിയ പകർപ്പുകൾ സഹിതം നിശ്ചിത ഫോമിൽ അപേക്ഷ സമർപ്പിക്കണം. നാഷണൽ ആയുഷ് മിഷന്റെ വെബ്സൈറ്റിൽ നിന്നും അപേക്ഷാ ഫോം ഡൗൺലോഡ് ചെയ്യാവുന്നതാണ്.

പൂരിപ്പിച്ച അപേക്ഷകൾ മെയ് 5 വൈകിട്ട് അഞ്ചിനകം ആയുർവേദ കോളേജിന് സമീപമുള്ള ആരോഗ്യഭവനിലെ അഞ്ചാം നിലയിലെ ജില്ലാ പ്രോഗ്രാം മാനേജരുടെ ഓഫീസിൽ (നാഷണൽ ആയുഷ് മിഷൻ) സമർപ്പിക്കേണ്ടതാണ്. നേരിട്ടോ തപാൽ മാർഗ്ഗമോ അപേക്ഷകൾ സമർപ്പിക്കാം.

ചേറ്റൂർ ശങ്കരൻ നായരുടെ ജീവിതകഥ 'കേസരി ചാപ്റ്റർ ടു'വിലൂടെ

അപേക്ഷാ കവറിന്റെ പുറത്തും അപേക്ഷയിലും അപേക്ഷിക്കുന്ന തസ്തിക രേഖപ്പെടുത്തേണ്ടത് അത്യാവശ്യമാണ്. തിരഞ്ഞെടുക്കപ്പെട്ട ഉദ്യോഗാർത്ഥികളുടെ അഭിമുഖം പൂജപ്പുര സർക്കാർ ആയുർവേദ കോളേജിൽ (സ്ത്രീകളുടെയും കുട്ടികളുടെയും ആശുപത്രി) മേയ് 8 ന് രാവിലെ 9.30 മുതൽ നടക്കും.

കൂടുതൽ വിവരങ്ങൾക്ക് www.nam.kerala.gov.in എന്ന വെബ്സൈറ്റ് സന്ദർശിക്കുകയോ 0471-2339552 എന്ന ഫോൺ നമ്പറിൽ ബന്ധപ്പെടുകയോ ചെയ്യാവുന്നതാണ്.

Story Highlights: National Ayush Mission, Thiruvananthapuram, invites applications for Speech Therapist, Remedial Educator, and Psychotherapist positions.

ഐസിയുവിലെ യുവതിയെ പീഡിപ്പിച്ചു; ആശുപത്രി ജീവനക്കാരൻ അറസ്റ്റിൽ