AV Gopinath declines LDF candidature in Palakkad by-election

പാലക്കാട് ഉപതെരഞ്ഞെടുപ്പില് എല്ഡിഎഫ് സ്ഥാനാര്ത്ഥിയായി മത്സരിക്കാനില്ലെന്ന് വിമത കോണ്ഗ്രസ് നേതാവ് എ. വി ഗോപിനാഥ് പ്രഖ്യാപിച്ചു. ആരോഗ്യപരമായ കാരണങ്ങളാണ് മത്സരിക്കാതിരിക്കാനുള്ള കാരണമായി അദ്ദേഹം ചൂണ്ടിക്കാട്ടിയത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എന്നാല്, പല നേതാക്കളും അദ്ദേഹത്തോട് മത്സരിക്കാന് ആവശ്യപ്പെട്ടിരുന്നതായും അദ്ദേഹം വെളിപ്പെടുത്തി. വ്യക്തിപരമായി മത്സരിക്കാനുള്ള ആഗ്രഹം തനിക്കുണ്ടായിരുന്നതായും, ലോക്സഭാ തെരഞ്ഞെടുപ്പില് പിന്തുണ പ്രഖ്യാപിക്കുന്നതിന് മുമ്പേ തന്നെ സീറ്റ് വാഗ്ദാനം ലഭിച്ചിരുന്നതായും ഗോപിനാഥ് പറഞ്ഞു. കോണ്ഗ്രസ് കൂടുതല് മണ്ഡലങ്ങളില് ദുര്ബലമായിക്കൊണ്ടിരിക്കുകയാണെന്നും അദ്ദേഹം അഭിപ്രായപ്പെട്ടു.

ഇതിനിടെ, പാലക്കാട് ഉപതെരഞ്ഞെടുപ്പിലെ എല്ഡിഎഫ് സ്ഥാനാര്ത്ഥിത്വവുമായി ബന്ധപ്പെട്ട് ഡിവൈഎഫ്ഐ സംസ്ഥാന പ്രസിഡന്റ് വി. വസീഫ് പ്രതികരിച്ചിരുന്നു. സ്ഥാനാര്ത്ഥിയെ പാര്ട്ടിയാണ് തീരുമാനിക്കുകയെന്നും, താന് സ്ഥാനാര്ത്ഥിയാകുമെന്നത് അഭ്യൂഹം മാത്രമാണെന്നും അദ്ദേഹം വ്യക്തമാക്കി.

അതേസമയം, പാലക്കാട് കോണ്ഗ്രസ് സ്ഥാനാര്ത്ഥിയായി രാഹുല് മാങ്കൂട്ടത്തില് എത്തുന്നതിനുള്ള സാധ്യതകള് കുറഞ്ഞതായി റിപ്പോര്ട്ടുകളുണ്ട്. ജില്ലയ്ക്കകത്ത് നിന്നുള്ള സ്ഥാനാര്ത്ഥി മതിയെന്ന നിലപാടിലാണ് ഡിസിസി. പാലക്കാട് എംഎല്എയായിരുന്ന ഷാഫി പറമ്പില് വടകരയുടെ എംപിയായതോടെയാണ് ഈ ഉപതെരഞ്ഞെടുപ്പ് നടക്കുന്നത്.

‘കളങ്കാവൽ’ ധീരമായ പരീക്ഷണം; മമ്മൂട്ടിയെ പ്രശംസിച്ച് മന്ത്രി വി. ശിവൻകുട്ടി

രാഹുൽ മാങ്കൂട്ടത്തിലിന്റെ പി.എ ഫസലിന്റെ കസ്റ്റഡി നിയമവിരുദ്ധമെന്ന് പരാതി