Assam Mine Rescue: Day 5, 8 Trapped

അസമിലെ ദിമാ ഹസാവോ ജില്ലയിലെ ഉമറങ്സോയിലുള്ള കൽക്കരി ഖനിയിൽ കുടുങ്ങിക്കിടക്കുന്ന എട്ട് തൊഴിലാളികളെ രക്ഷിക്കാനുള്ള ശ്രമങ്ങൾ അഞ്ചാം ദിവസത്തിലേക്ക് കടന്നു. ജനുവരി ആറിന് ഏകദേശം മുന്നൂറടി ആഴമുള്ള ഖനിയിൽ വെള്ളപ്പൊക്കം ഉണ്ടായതിനെ തുടർന്നാണ് തൊഴിലാളികൾ കുടുങ്ങിയത്. ഖനിയിലെ വെള്ളം വറ്റിക്കാനായി കോൾ ഇന്ത്യ 500 ജി. പി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എമ്മിന്റെ പമ്പ് എത്തിച്ചിട്ടുണ്ട്. ക്വാറിയിൽ വെള്ളം കയറുന്നത് രക്ഷാപ്രവർത്തനത്തിന് തടസം സൃഷ്ടിക്കുന്നതായി റിപ്പോർട്ടുകൾ വന്നിരുന്നു. ഖനിയിൽ കുടുങ്ങിക്കിടക്കുന്നവരിൽ നേപ്പാളിലെ ഉദയാപൂർ ജില്ലയിൽ നിന്നുള്ള ഗംഗാ ബഹാദൂർ ശ്രേത്, പശ്ചിമ ബംഗാളിലെ ജൽപായ്ഗുരി ജില്ലയിൽ നിന്നുള്ള സഞ്ജിത് സർക്കാർ എന്നിവർ ഉൾപ്പെടുന്നു. അസമിലെ ദരാംഗ്, കൊക്രജാർ, ദിമ ഹസാവോ, സോനിത്പൂർ ജില്ലകളിൽ നിന്നുള്ള ഹുസൈൻ അലി, ജാക്കിർ ഹുസൈൻ, സർപ്പ ബർമാൻ, മുസ്തഫ സെയ്ഖ്, ഖുസി മോഹൻ റായ്, ലിജൻ മഗർ, ശരത് ഗോയാരി എന്നിവരാണ് കുടുങ്ങിക്കിടക്കുന്ന മറ്റ് തൊഴിലാളികൾ.

ഇന്ത്യൻ നാവികസേന, കരസേന, എൻഡിആർഎഫ് എന്നിവർ സംയുക്തമായി മുങ്ങൽ വിദഗ്ധരുടെ സഹായത്തോടെയാണ് രക്ഷാപ്രവർത്തനം നടത്തുന്നത്. രക്ഷാപ്രവർത്തനത്തിനിടെ ഒരു തൊഴിലാളിയുടെ മൃതദേഹം കണ്ടെത്തിയിരുന്നു.

റെഡ് റേഞ്ച് റോവറിൽ മമ്മൂട്ടി; ‘പാട്രിയറ്റ്’ ലൊക്കേഷൻ വീഡിയോ വൈറൽ