Asif Ali's warm welcome at St. Albert's College amid controversy

കൊച്ചി സെന്റ് ആൽബർട്സ് കോളേജിൽ ‘ലെവൽ ക്രോസ്’ എന്ന ചിത്രത്തിന്റെ പ്രമോഷനായി എത്തിയ ആസിഫ് അലിക്ക് വിദ്യാർത്ഥികൾ വമ്പൻ സ്വീകരണമാണ് നൽകിയത്. ‘വി ആർ വിത്ത് യു ആസിഫ് അലി’ എന്ന ബോർഡുകളുമായാണ് വിദ്യാർത്ഥികൾ പരിപാടിയിൽ പങ്കെടുത്തത്. വിവാദങ്ങൾക്ക് ശേഷം ആസിഫ് അലി പങ്കെടുക്കുന്ന ആദ്യ പരിപാടിയായിരുന്നു ഇത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

നടി അമല പോളും പരിപാടിയിൽ പങ്കെടുത്തു. അതേസമയം, ആസിഫ് അലിയെ അവഹേളിച്ച സംഭവത്തിൽ രമേശ് നാരായണനോട് ഫെഫ്ക വിശദീകരണം തേടി. രമേശ് നാരായണൻ പക്വതയില്ലായ്മയാണ് കാണിച്ചതെന്നും പരിപാടിയുടെ സംഘാടനത്തിൽ പിഴവ് വന്നുവെന്നും ഫെഫ്ക ജനറൽ സെക്രട്ടറി ബി ഉണ്ണികൃഷ്ണൻ അഭിപ്രായപ്പെട്ടു.

ആസിഫ് അലിയോട് ഫെഫ്ക ഖേദം പ്രകടിപ്പിച്ചു. വിവാദമായതോടെ രമേശ് നാരായണൻ മാപ്പ് പറഞ്ഞത് മാതൃകാപരമാണെന്നും അദ്ദേഹം കൂട്ടിച്ചേർത്തു. വിഷയത്തിൽ ആസിഫ് അലിയുമായി സംസാരിച്ചതായി ബി ഉണ്ണികൃഷ്ണൻ അറിയിച്ചു.

സംസ്ഥാന ചലച്ചിത്ര പുരസ്കാരങ്ങൾ ഇന്ന് പ്രഖ്യാപിക്കും

ഇതൊന്നും സീരിയസ് ആയി കാണുന്നില്ലെന്നാണ് ആസിഫ് പറഞ്ഞത്. ആസിഫ് രമേശ് നാരായണനെ അങ്ങോട്ട് വിളിക്കാമെന്ന് പറഞ്ഞത് തന്നെ അത്ഭുതപ്പെടുത്തിയെന്നും, വളരെ വിശാലമായും പക്വമായുമാണ് പ്രതികരിച്ചതെന്നും ബി ഉണ്ണികൃഷ്ണൻ പറഞ്ഞു. ആസിഫിനേയും അമ്മ നേതൃത്വത്തേയും ഖേദം അറിയിച്ചിട്ടുണ്ടെന്നും വിവാദം ഉടൻ അവസാനിക്കുമെന്ന് പ്രതീക്ഷിക്കുന്നതായും അദ്ദേഹം വ്യക്തമാക്കി.

പ്രണവ് മോഹൻലാൽ ചിത്രം ‘ഡിയർ സ്റ്റുഡന്റ്സ്’ 70 കോടി ക്ലബ്ബിൽ!