Asif Ali's 'Kishkindha Kandam': Thrilling Onam Release Trailer Out

ഓണത്തിന് പ്രേക്ഷകരെ ആകർഷിക്കാൻ ആസിഫ് അലി നായകനാകുന്ന പുതിയ ചിത്രം ‘കിഷ്കിന്ധാ കാണ്ഡം’ എത്തുന്നു. ചിത്രത്തിന്റെ ട്രൈലർ പുറത്തിറങ്ങി മണിക്കൂറുകൾക്കുള്ളിൽ 2 മില്യൺ കാഴ്ചക്കാരെ നേടി. ഒരു റിസർവ് ഫോറസ്റ്റിന്റെ പശ്ചാത്തലത്തിൽ ത്രില്ലർ സ്വഭാവത്തിലാണ് ചിത്രമൊരുങ്ങുന്നതെന്ന് ട്രെയ്ലർ സൂചിപ്പിക്കുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിജയരാഘവൻ അവതരിപ്പിക്കുന്ന അപ്പു പിള്ള എന്ന കഥാപാത്രത്തെ കേന്ദ്രീകരിച്ചാണ് സിനിമ മുന്നോട്ട് പോകുന്നത്. ഗുഡ്വിൽ എന്റർടെയൻമെന്റ്സിന്റെ ബാനറിൽ ജോബി ജോർജ്ജ് നിർമ്മിച്ച്, ‘കക്ഷി അമ്മിണിപ്പിള്ള’ എന്ന ചിത്രത്തിന് ശേഷം ദിൻജിത്ത് അയ്യത്താൻ സംവിധാനം ചെയ്യുന്ന ചിത്രമാണിത്. അപർണ്ണ ബാലമുരളി നായികയായി എത്തുന്ന ചിത്രത്തിൽ വിജയരാഘവൻ, ജഗദീഷ്, അശോകൻ, നിഷാൻ, വൈഷ്ണവി രാജ്, മേജർ രവി തുടങ്ങിയവർ പ്രധാന വേഷങ്ങളിൽ എത്തുന്നു.

ഏറെ കാലത്തെ ഇടവേളയ്ക്ക് ശേഷം ഋതു ഫെയിം നിഷാൻ മലയാളത്തിലേക്ക് തിരിച്ചെത്തുന്നുവെന്ന പ്രത്യേകതയും ചിത്രത്തിനുണ്ട്. ‘വാനര ലോകം’ എന്ന ഗാനത്തിന്റെ ലിറിക്കൽ വീഡിയോ ഇതിനോടകം പുറത്തുവിട്ടു. ശ്യാം മുരളീധരന്റെ വരികൾക്ക് മുജീബ് മജീദ് സംഗീതം പകർന്ന ഗാനം ജോബ് കുര്യനും ജെ’മൈമയും ചേർന്നാണ് ആലപിച്ചത്.

പ്രണവ് മോഹൻലാൽ ചിത്രം 'ഡിയർ സ്റ്റുഡന്റ്സ്' 70 കോടി ക്ലബ്ബിൽ!

ടിബറ്റൻ വരികളോടെ ആരംഭിക്കുന്ന ആദ്യ മലയാള ഗാനം എന്ന പ്രത്യേകത ഗാനത്തിനുണ്ട്. സോഷ്യൽ മീഡിയയിൽ ശ്രദ്ധനേടുകയാണ് ഗാനം. ഓണം റിലീസായി പുറത്തിറങ്ങുന്ന ചിത്രം സെപ്റ്റംബർ 12 ന് തിയേറ്ററിലെത്തും.

Story Highlights: Asif Ali’s new movie ‘Kishkindha Kandam’ trailer released, generating buzz for Onam release

മമ്മൂട്ടി കമ്പനിയുടെ ആദ്യ ഹ്രസ്വചിത്രം ‘ആരോ’ യൂട്യൂബിൽ റിലീസ് ചെയ്തു