അരവിന്ദ് കെജ്രിവാൾ വെള്ളിയാഴ്ച ഡൽഹി മുഖ്യമന്ത്രിയുടെ ഔദ്യോഗിക വസതി ഒഴിയും. മുഖ്യമന്ത്രി സ്ഥാനം രാജി വച്ച സാഹചര്യത്തിലാണ് വസതി മാറുന്നത്. ഫിറോസ്ഷാ റോഡിലുള്ള പഞ്ചാബ് രാജ്യസഭാ എംപി അശോക് മിത്തലിൻ്റെ വസതിയിലേക്കാണ് കെജ്രിവാൾ മാറുക. എംപിക്ക്‌ അനുവദിച്ച ബംഗ്ലാവിലേക്ക് മാറുന്നതിലൂടെ, കെജ്രിവാളിന് ദേശീയ പാർട്ടിയുടെ അധ്യക്ഷൻ എന്ന നിലയിൽ വസതി ലഭിക്കുമെന്ന് ആംആദ്മി പാർട്ടി പ്രതീക്ഷിക്കുന്നു.
കഴിഞ്ഞ മാസം ആദ്യമാണ് കെജരിവാൾ ഡൽഹി മുഖ്യമന്ത്രി സ്ഥാനം ഒഴിഞ്ഞത്. നവരാത്രി ഉത്സവ വേളയിൽ ഔദ്യോഗിക വസതി ഒഴിയുമെന്ന് ഡൽഹിയിൽ സംഘടിപ്പിച്ച ജനതാ കി അദാലത്തിൽ കെജ്രിവാൾ നേരത്തെ അറിയിച്ചിരുന്നു. ഡൽഹി നിയമസഭാ തെരഞ്ഞെടുപ്പിന് ഏതാനും മാസങ്ങൾ മാത്രമാണ് ഇനിയുള്ളത്. അതിനാൽ മണ്ഡലത്തിൽ തന്നെ കെജരിവാൾ താമസിക്കുന്നതു ഗുണം ചെയ്യുമെന്നാണ് ആംആദ്മി പാർട്ടി കണക്കൂകുട്ടുന്നത്.
എഎപി എംഎൽഎമാരും കൗൺസിലർമാരും തൊഴിലാളികളും സാധാരണക്കാരും ഉൾപ്പെടെ നിരവധിപ്പേർ മുൻ മുഖ്യമന്ത്രിക്ക് താമസ സൗകര്യം വാഗ്ദാനം രംഗത്തെത്തിയിരുന്നു. ഈ സാഹചര്യത്തിൽ, കെജ്രിവാളിന്റെ പുതിയ വസതി തീരുമാനം പാർട്ടിക്കും അദ്ദേഹത്തിന്റെ രാഷ്ട്രീയ ഭാവിക്കും ഗുണകരമാകുമെന്ന് പ്രതീക്ഷിക്കപ്പെടുന്നു.
Story Highlights: Arvind Kejriwal to vacate Delhi CM residence and move to MP bungalow
