ലോകകപ്പ് യോഗ്യതാ മത്സരത്തിൽ അർജന്റീന പെറുവിനെ ഏകപക്ഷീയമായ ഒരു ഗോളിന് പരാജയപ്പെടുത്തി. 55-ാം മിനിറ്റിൽ ലൗട്ടാരോ മാർട്ടിനസ് നേടിയ തകർപ്പൻ വോളിയിലൂടെയാണ് അർജന്റീന വിജയം സ്വന്തമാക്കിയത്. സൂപ്പർ താരം ലയണൽ മെസ്സിയുടെ അസിസ്റ്റിലായിരുന്നു ഈ വിജയഗോൾ. ഇതോടെ ലോകകപ്പ് യോഗ്യതാ മത്സരത്തിലെ പോയിന്റ് പട്ടികയിൽ അർജന്റീന ഒന്നാം സ്ഥാനത്തേക്ക് കുതിച്ചുയർന്നു.
ഈ മത്സരത്തോടെ മെസ്സി മറ്റൊരു റെക്കോർഡും സ്വന്തം പേരിലാക്കി. രാജ്യാന്തര മത്സരങ്ങളിൽ ഏറ്റവും കൂടുതൽ അസിസ്റ്റ് നൽകിയ താരമെന്ന ബഹുമതിയാണ് മെസ്സി നേടിയത്. അമേരിക്കൻ ഇതിഹാസം ലാൻഡൻ ഡൊണോവനൊപ്പം 58 അസിസ്റ്റുകളുമായി മെസ്സി ഇപ്പോൾ സമനിലയിലെത്തി. ഇടതു വിങ്ങിൽ നിന്നും മെസ്സി നൽകിയ മികച്ചൊരു ക്രോസ്സാണ് ലൗട്ടാരോ മാർട്ടിനെസ് മനോഹരമായ വോളിയിലൂടെ ഗോളാക്കി മാറ്റിയത്.
✨🇦🇷 Leo Messi has just played his final game for club and country in 2024… as Argentina beat Perú 1-0.
— Fabrizio Romano (@FabrizioRomano) November 20, 2024
🪄 Messi’s assist means he becomes the player with most assists in international football history joint with Donovan (58). pic.twitter.com/79O4q3b8Zg
ഗോൾരഹിതമായ ആദ്യ പകുതിക്ക് ശേഷമാണ് അർജന്റീന വിജയഗോൾ നേടിയത്. ഈ വിജയത്തോടെ ലോകകപ്പ് യോഗ്യതാ മത്സരത്തിൽ അർജന്റീന തങ്ങളുടെ ലീഡ് അഞ്ച് പോയിന്റാക്കി ഉയർത്തി. ഫുട്ബോൾ ചരിത്രത്തിലെ ഏറ്റവും കൂടുതൽ അന്താരാഷ്ട്ര അസിസ്റ്റുകൾ നൽകിയവരുടെ കൂട്ടത്തിൽ ഇനി ലാൻഡൻ ഡൊണോവനൊപ്പം ലയണൽ മെസ്സിയുടെ പേരും കാണാനാകും.
Story Highlights: Argentina defeats Peru 1-0 in World Cup qualifier, Messi equals international assist record
