അറബിക്കടലിൽ അപകടത്തിൽപ്പെട്ട ചരക്ക് കപ്പലിലെ തീ അണയ്ക്കാനുള്ള ശ്രമങ്ങൾ തുടരുകയാണ്. കപ്പലിലുണ്ടായിരുന്ന നാവികരിൽ ആറുപേർ ആശുപത്രിയിൽ ചികിത്സയിലാണ്. 140 കണ്ടെയ്നറുകളിൽ ഗുരുതര സ്വഭാവത്തിലുള്ള രാസവസ്തുക്കളുണ്ടെന്നും കപ്പൽ കമ്പനി അറിയിച്ചിട്ടുണ്ട്. കപ്പലിൽ നിന്ന് ഇതുവരെ എണ്ണ ചോർച്ച റിപ്പോർട്ട് ചെയ്തിട്ടില്ല.
കപ്പലിലെ തീ അണയ്ക്കാനുള്ള ശ്രമം തുടരുകയാണെങ്കിലും, കനത്ത പുക ഇപ്പോഴും ഉണ്ട്. കപ്പൽ ഒരുവശത്തേക്ക് ചരിഞ്ഞത് രക്ഷാപ്രവർത്തനത്തിന് തടസ്സമുണ്ടാക്കുന്നുണ്ട്. തീ അണയ്ക്കാൻ വൈകിയാൽ കപ്പൽ മുങ്ങാനുള്ള സാധ്യതയുണ്ടെന്നും വിലയിരുത്തലുണ്ട്. കോസ്റ്റ് ഗാർഡിന്റെ ആറ് വെസ്സൽസുകൾ തീയണയ്ക്കാനുള്ള ശ്രമം തുടരുകയാണ്.
കപ്പലിലുള്ള ഭൂരിഭാഗം കണ്ടെയ്നറുകളിലേക്കും തീ പടർന്നിട്ടുണ്ട്. കപ്പലിൽ നിന്ന് രക്ഷപ്പെടുത്തിയ നാവികരിൽ ആറുപേരാണ് ആശുപത്രിയിൽ ചികിത്സയിലുള്ളത്. ചൈനീസ് പൗരന് 40 ശതമാനവും ഇന്തോനേഷ്യൻ പൗരന് 30 ശതമാനവും പൊള്ളലേറ്റിട്ടുണ്ട്. ബാക്കിയുള്ളവരുടെ ആരോഗ്യനില തൃപ്തികരമാണെന്ന് അധികൃതർ അറിയിച്ചു.
കണ്ടെയ്നറുകളിൽ പകുതിയും കത്തി നശിച്ചിട്ടുണ്ട്. സ്ഫോടനങ്ങളുണ്ടാകുന്ന കണ്ടെയ്നറുകൾ രക്ഷാപ്രവർത്തനത്തിന് വലിയ വെല്ലുവിളിയാണ് ഉയർത്തുന്നത്. കാണാതായ നാല് പേർക്കായുള്ള തിരച്ചിൽ ഇപ്പോഴും തുടരുന്നു. ഏതെങ്കിലും തരത്തിലുള്ള വസ്തുക്കൾ തീരത്തടിയുകയാണെങ്കിൽ സ്പർശിക്കരുതെന്ന് അധികൃതർ മുന്നറിയിപ്പ് നൽകി.
കപ്പലിൽ നിന്ന് കടലിലേക്ക് പതിച്ച കണ്ടെയ്നറുകൾ ഉടൻതന്നെ കേരള തീരത്ത് എത്താൻ സാധ്യതയുണ്ടെന്ന് മുന്നറിയിപ്പുണ്ട്. വടക്കൻ തീരദേശ മേഖലകളിൽ ജാഗ്രതാ നിർദ്ദേശം നൽകിയിട്ടുണ്ട്. ഡയറക്ടറേറ്റ് ജനറൽ ഓഫ് ഷിപ്പിംഗ് ആവശ്യപ്പെട്ടതനുസരിച്ച് കപ്പൽ കമ്പനി പുതിയ സജ്ജീകരണങ്ങൾ ഒരുക്കിയിട്ടുണ്ട്. പ്രതിരോധ നടപടിയുടെ ഭാഗമായി രക്ഷാപ്രവർത്തനത്തിന് സ്മിറ്റ് സാൽവയ്ക്ക് ഡച്ച് കമ്പനിയെത്തും.
കപ്പൽ കമ്പനി ഔദ്യോഗികമായി അറിയിച്ചത് പ്രകാരം ചരക്കുകപ്പലിലെ 140 കണ്ടെയ്നറുകളിൽ ഗുരുതര സ്വഭാവത്തിലുള്ള രാസവസ്തുക്കളുണ്ട്. പരിസ്ഥിതിക്ക് ദോഷകരമായ കീടനാശിനികളും ഇതിൽ ഉൾപ്പെടുന്നു. കപ്പലിൽ നിന്ന് ഇതുവരെ എണ്ണ ചോർച്ച റിപ്പോർട്ട് ചെയ്തിട്ടില്ല.
Story Highlights: അറബിക്കടലിൽ തീപിടിച്ച ചരക്കുകപ്പലിലെ തീ അണയ്ക്കാനുള്ള ശ്രമം തുടരുന്നു; കണ്ടെയ്നറുകളിൽ രാസവസ്തുക്കളുണ്ടെന്ന് സ്ഥിരീകരണം.
പാലക്കാട് ഓങ്ങല്ലൂരിൽ ആക്രിക്കടക്ക് തീപിടിച്ച് പൂർണ്ണമായും കത്തി നശിച്ചു. പഴയ ഫ്രിഡ്ജിന്റെ ഭാഗങ്ങളിൽ Read more
ഡൽഹിയിലെ ഗീത കോളനിയിലെ റാണി ഗാർഡൻ ചേരിയിൽ പുലർച്ചെ വൻ തീപിടുത്തമുണ്ടായി. ഒരു Read more
നവി മുംബൈയിൽ ഫ്ലാറ്റിലുണ്ടായ തീപിടിത്തത്തിൽ തിരുവനന്തപുരം സ്വദേശികളായ ഒരു കുടുംബത്തിലെ മൂന്ന് പേർ Read more
ഡൽഹിയിൽ പാർലമെൻ്റിന് സമീപം എംപിമാരുടെ ഫ്ലാറ്റിൽ തീപ്പിടുത്തം. രാജ്യസഭാ എംപിമാർക്ക് അനുവദിച്ച ബ്രഹ്മപുത്ര Read more
കണ്ണൂർ തളിപ്പറമ്പിൽ ബസ്റ്റാൻഡിന് സമീപം കെ.വി. കോംപ്ലക്സിൽ തീപിടിത്തം. പത്തോളം കടകൾ കത്തി Read more
തിരുവനന്തപുരം നെയ്യാറ്റിൻകരയിൽ ഗ്യാസ് അടുപ്പിൽനിന്നുണ്ടായ തീപിടിത്തത്തിൽ യുവതി ദാരുണമായി മരിച്ചു. മുട്ടയ്ക്കാട് സ്വദേശി Read more
രാജസ്ഥാനിലെ ജയ്പൂരിലുള്ള സവായ് മാൻസിങ് ആശുപത്രിയിൽ തീപിടുത്തം. തീപിടുത്തത്തിൽ ആറ് രോഗികൾ മരിച്ചു. Read more
ദക്ഷിണ കൊറിയയിലെ ഡാറ്റാ സെൻ്ററിലുണ്ടായ തീപിടുത്തത്തിൽ 647 സേവനങ്ങളുടെ പ്രവർത്തനം തടസ്സപ്പെട്ടു. ലിഥിയം Read more
എംഎസ്സി എൽസ 3 കപ്പൽ അപകടത്തെ തുടർന്ന് തെക്ക് കിഴക്കൻ അറബിക്കടലിൽ വലിയ Read more
കേന്ദ്ര സമുദ്രമത്സ്യ ഗവേഷണ സ്ഥാപനം നടത്തിയ പഠനത്തിൽ അറബിക്കടൽ തീരങ്ങളിൽ തിമിംഗലങ്ങൾ ചത്തടിയുന്നത് Read more
