എ ആർ റഹ്മാനും ഭാര്യ സൈറ ബാനുവും 29 വർഷത്തെ വിവാഹ ജീവിതം അവസാനിപ്പിക്കാൻ തീരുമാനിച്ചതായി അറിയിച്ചതിന് പിന്നാലെ, റഹ്മാന്റെ ട്രൂപ്പിലെ അംഗവും പ്രശസ്ത ഗിറ്റാറിസ്റ്റുമായ മോഹിനി ഡേയും വിവാഹമോചിതയായ വാർത്ത പുറത്തുവന്നു. ഈ രണ്ട് വിവാഹമോചനങ്ങൾ തമ്മിൽ ബന്ധമുണ്ടോ എന്ന ചോദ്യത്തിന് മറുപടിയുമായി സൈറ ബാനുവിന്റെ അഭിഭാഷക അഡ്വ. വന്ദന ഷാ രംഗത്തെത്തി.
റഹ്മാൻ-സൈറാ ബാനു വേർപിരിയലിന് മോഹിനി ഡേയുടെ വിവാഹമോചനവുമായി യാതൊരു ബന്ധവുമില്ലെന്ന് വന്ദന ഷാ വ്യക്തമാക്കി. സൈറയുടേതും റഹ്മാന്റേതും സ്വന്തമായുള്ള തീരുമാനമായിരുന്നുവെന്നും എല്ലാ വിവാഹങ്ങളിലും ഉയർച്ചകളും താഴ്ചകളുമുണ്ടാവുമെന്നും അവർ കൂട്ടിച്ചേർത്തു. മാന്യമായാണ് ഈ ബന്ധം അവസാനിപ്പിച്ചതെന്നും റഹ്മാനും സൈറയും പരസ്പരം പിന്തുണ തുടരുമെന്നും അഭിഭാഷക പറഞ്ഞു.
വിവാഹമോചനത്തിൽ സാമ്പത്തിക ഒത്തുതീർപ്പുകളെക്കുറിച്ചോ നഷ്ടപരിഹാരങ്ങളെക്കുറിച്ചോ യാതൊരു ചർച്ചയും ഇതുവരെ നടന്നിട്ടില്ലെന്നും അഡ്വ. വന്ദന ഷാ വ്യക്തമാക്കി. തീരുമാനം ലാഘവത്തോടെ എടുത്തതായിരുന്നില്ലെന്നും അവരുടേത് കാപട്യമുള്ള ബന്ധമായിരുന്നില്ലെന്നും അവർ വ്യക്തമാക്കി. ഇരുവരും പക്വമായാണ് വിവാഹമോചനത്തെ കൈകാര്യം ചെയ്തതെന്നും അഭിഭാഷക അഭിപ്രായപ്പെട്ടു.
Story Highlights: AR Rahman and Saira Banu’s divorce not related to Mohini Dey’s, says lawyer Vandana Shah
