Android 15: Google's New OS with Enhanced Security and Features

ആന്ഡ്രോയ്ഡ് 15 മൊബൈല് ഓപ്പറേറ്റിംഗ് സിസ്റ്റം ഗൂഗിള് പിക്സല് ഫോണില് ഔദ്യോഗികമായി അവതരിപ്പിച്ചിരിക്കുകയാണ്. സുരക്ഷയും സ്വകാര്യതയും ഉറപ്പുവരുത്തുന്ന ഈ പുതിയ പതിപ്പില് കൂടുതല് പ്രൈവസി കണ്ട്രോള് സംവിധാനങ്ങളും ഉള്പ്പെടുത്തിയിട്ടുണ്ട്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

എഐയുടെ സഹായത്തോടെ പ്രവര്ത്തിക്കുന്ന തെഫ്റ്റ് ഡിറ്റക്ഷന് ലോക്ക് സംവിധാനം ഫോണ് നഷ്ടമായാലും വിവരങ്ങള് ചോരുന്നത് തടയും. പുതിയ യൂസര് ഇന്റര്ഫേസാണ് ആന്ഡ്രോയ്ഡ് 15-ലെ പ്രധാന മാറ്റം.

നാവിഗേഷന് കൂടുതല് എളുപ്പമാക്കിയതോടൊപ്പം, പുതിയ ഡിസൈനും കസ്റ്റമൈസ്ഡ് ലോക്ക് സ്ക്രീനും ഇതില് ഉള്പ്പെടുത്തിയിട്ടുണ്ട്. ഫോണ് അണ്ലോക്ക് ചെയ്യാതെ തന്നെ ചില വിവരങ്ങളിലേക്ക് വേഗത്തില് എത്തിച്ചേരാന് സാധിക്കുന്ന രീതിയിലാണ് ഇതിന്റെ ക്രമീകരണം.

മള്ട്ടിടാസ്കിംഗ് കഴിവ് മെച്ചപ്പെടുത്തിയതിലൂടെ ഒരു ആപ്പില് നിന്ന് മറ്റൊന്നിലേക്ക് വേഗത്തില് മാറാനും സ്പ്ലിറ്റ്-സ്ക്രീന് ഉപയോഗിക്കാനും സാധിക്കും. ടാബ്ലറ്റുകളിലും ഫോള്ഡബിള് ഫോണുകളിലും ഇത് കൂടുതല് പ്രയോജനപ്രദമാണ്.

മറ്റ് ആപ്പുകള് ഉപയോഗിക്കുമ്പോള് തന്നെ വീഡിയോകള് കാണാനുള്ള സൗകര്യവും ഇതില് ഉള്പ്പെടുത്തിയിട്ടുണ്ട്. കൂടാതെ, ക്യാമറകളുടെ പ്രകടനം മെച്ചപ്പെടുത്താനുള്ള സവിശേഷതകളും ആന്ഡ്രോയ്ഡ് 15-ല് ലഭ്യമാണ്.

ദുബായ് ആർടിഎയ്ക്ക് ഡിജിറ്റൽ മികവിന് മൂന്ന് അന്താരാഷ്ട്ര അവാർഡുകൾ

Story Highlights: Google officially launches Android 15 with enhanced privacy controls, new user interface, and improved multitasking capabilities.

ആൻഡ്രോയിഡ് 16 ബീറ്റ 3.2 അപ്ഡേറ്റ് ഗൂഗിൾ പുറത്തിറക്കി