സോക്കർ ചരിത്രത്തിലെ മികച്ച മിഡ്ഫീൽഡർമാരിൽ ഒരാളായ സ്പെയിൻ സൂപ്പർ താരം ആന്ദ്രേ ഇനിയസ്റ്റ് പ്രഫഷനൽ ഫുട്ബോളിൽ നിന്നും വിരമിക്കുന്നു. ഇനിയസ്റ്റയുടെ വിരമിക്കൽ പ്രഖ്യാപനം സോക്കർ ലോകത്തെ ഞെട്ടിച്ചിരിക്കുകയാണ്. താരം തന്റെ സോഷ്യൽ മീഡിയ ഹാൻഡിലിൽ ഒരു വീഡിയോ പങ്കുവെച്ചതിലൂടെയാണ് ഈ വാർത്ത പുറത്തുവന്നത്.
ഒക്ടോബർ എട്ടിന് സംഘടിപ്പിക്കുന്ന പ്രൗഢഗംഭീരമായ ചടങ്ങിൽ താരത്തിന് ഔദ്യോഗിക യാത്രയയപ്പ് നൽകും. ഇനിയസ്റ്റയുടെ കരിയറിൽ ഏറിയ സമയവും എട്ടാം നമ്പർ ഉള്ള ജഴ്സിയായിരുന്നു ധരിച്ചിരുന്നത്. ഇതാണ് വിരമിക്കലിന്റെ ഔദ്യോഗിക ചടങ്ങ് എട്ടാം തീയ്യതി തന്നെ സംഘടിപ്പിക്കുന്നതിന്റെ കാരണം.
ബാഴ്സലോനയുടെ മധ്യനിര നിയന്ത്രിച്ചിരുന്ന താരം പങ്കുവെച്ച വീഡിയോയിൽ, പുറംതിരിഞ്ഞ് നിൽക്കുന്ന ഇനിയസ്റ്റയുടെ ചിത്രത്തിൽ ‘Coming Soon 08.10.24.’ എന്ന് പെയിന്റ് ചെയ്യുന്നതാണ് കാണിച്ചിരിക്കുന്നത്. ഈ വീഡിയോയിലൂടെ താരം തന്റെ വിരമിക്കൽ തീയതി സൂചിപ്പിക്കുകയായിരുന്നു.
Story Highlights: Spanish soccer legend Andres Iniesta announces retirement from professional football
