അനന്തഭദ്രം നോവൽ വീണ്ടും സിനിമയാകുന്നു; 'ദിഗംബരൻ' ചിത്രീകരണം ഉടൻ.

സുനിൽ പരമേശ്വരൻ എഴുതിയ അനന്തഭദ്രം എന്ന നോവൽ വീണ്ടും സിനിമയാക്കുമെന്ന് നോവലിസ്റ്റ് തന്റെ ഫേസ്ബുക്കിലൂടെ അറിയിച്ചു.
‘ദിഗംബരൻ’ എന്നാണ് ചിത്രത്തിന്റെ പേര്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

‘അതിരൻ’ എന്ന പ്രേക്ഷക ശ്രദ്ധ നേടിയ ചലച്ചിത്രം സംവിധാനം ചെയ്ത വിവേകാണ് ‘ദിഗംബരനും’ സംവിധാനം ചെയ്യുന്നത്. 2005 ലായിരുന്നു പൃഥ്വിരാജിനേയും കാവ്യമാധവനും കേന്ദ്രകഥാപാത്രങ്ങളാക്കി സന്തോഷ് ശിവൻ സംവിധാനം ചെയ്ത അനന്തഭദ്രം റിലീസ് ചെയ്തത്.

അനന്തഭദ്രം എന്ന ആദ്യ ചിത്രത്തിൽ വില്ലനായി വന്ന ദിഗംബരന്റെ മറ്റൊരു മുഖം പുതിയ ചിത്രത്തിൽ കാണാൻ കഴിയുമെന്ന് സുനിൽ പരമേശ്വരൻ തന്റെ ഫേസ്ബുക്ക് കുറിപ്പിലൂടെ വ്യക്തമാക്കി. കോവിഡ് വ്യാപനം കുറയുകയും നിയന്ത്രണങ്ങൾ നിൽക്കുകയും ചെയ്താൽ ധനുഷ്കോടിയിലും ഹിമാലയത്തിലുമായി ചിത്രീകരണം നടത്തുമെന്ന് അദ്ദേഹം പറഞ്ഞു.