വിഷ്ണു വിനയ് സംവിധാനം ചെയ്യുന്ന ‘ആനന്ദ് ശ്രീബാല’ എന്ന ചിത്രത്തിലെ ‘മന്ദാര മലരില്‍’ എന്ന അമ്മ സോങ്ങ് അണിയറ പ്രവര്‍ത്തകര്‍ പുറത്തുവിട്ടു. വര്‍ഷങ്ങള്‍ക്ക് മുമ്പ് നടന്ന യഥാര്‍ഥ സംഭവത്തെ ആസ്പദമാക്കിയുള്ള ഈ ചിത്രം നവംബര്‍ 15 മുതല്‍ തിയറ്ററുകളിലെത്തും. രാജീവ് ഗോവിന്ദന്റെ വരികള്‍ക്ക് രഞ്ജിന്‍ രാജ് സംഗീതം പകര്‍ന്ന ഗാനം മൃദുല വാര്യരാണ് ആലപിച്ചത്. അര്‍ജുന്‍ അശോകന്‍, അപര്‍ണ ദാസ്, മാളവിക മനോജ് എന്നിവരാണ് കേന്ദ്ര കഥാപാത്രങ്ങളെ അവതരിപ്പിക്കുന്നത്.
കാവ്യ ഫിലിം കമ്പനിയും ആന്‍ മെഗാ മീഡിയയും ചേര്‍ന്ന് നിര്‍മിക്കുന്ന ഈ ചിത്രത്തിന്റെ തിരക്കഥ അഭിലാഷ് പിള്ളയാണ് തയ്യാറാക്കിയത്. ‘മാളികപ്പുറം’, ‘2018’ എന്നീ വിജയ ചിത്രങ്ങള്‍ക്ക് ശേഷം ഈ കമ്പനികള്‍ വീണ്ടും ഒന്നിക്കുന്ന സിനിമയാണിത്. സൈജു കുറുപ്പ്, ധ്യാന്‍ ശ്രീനിവാസന്‍, അജു വര്‍ഗീസ്, ഇന്ദ്രന്‍സ്, സംഗീത, മനോജ് കെ യു തുടങ്ങി മലയാളത്തിലെ മികച്ച താരങ്ങളാണ് ചിത്രത്തിനായി അണിനിരക്കുന്നത്.
ആനന്ദ് ശ്രീബാലയായി അര്‍ജുന്‍ അശോകനും ചാനല്‍ റിപ്പോര്‍ട്ടറായി അപര്‍ണദാസും പ്രത്യക്ഷപ്പെടുന്നു. വിഷ്ണു നാരായണന്‍ ഛായാഗ്രഹണം നിര്‍വഹിക്കുന്ന ചിത്രത്തിന്റെ സംഗീത സംവിധാനം രഞ്ജിന്‍ രാജാണ്. കിരണ്‍ ദാസ് ചിത്രസംയോജനം നിര്‍വഹിക്കുന്നു. ബിനു ജി നായര്‍ ചീഫ് അസ്സോസിയേറ്റ് ഡയറക്ടറായും ഷാജി പട്ടിക്കര പ്രൊഡക്ഷന്‍ കണ്‍ട്രോളറായും പ്രവര്‍ത്തിക്കുന്നു.
Story Highlights: Anand Sreebala movie’s ‘Mandhara Malaril’ song released, featuring Arjun Ashokan and directed by Vishnu Vinay
