Anand Ekarshi on the profound influence of cinema in life

സിനിമകൾ ജീവിതത്തിൽ വലിയ സ്വാധീനം ചെലുത്തുന്നുവെന്നത് അത്ഭുതകരമാണെന്ന് ‘ആട്ടം’ സിനിമയുടെ സംവിധായകൻ ആനന്ദ് ഏകർഷി അഭിപ്രായപ്പെട്ടു. തന്റെ സഹോദരന്റെ വേർപാടിന്റെ ആഴം പത്മരാജന്റെ “മൂന്നാംപക്കം” എന്ന സിനിമയിലൂടെയാണ് തനിക്ക് മനസ്സിലായതെന്നും, ആ സിനിമ കണ്ടപ്പോൾ താൻ പൊട്ടിക്കരഞ്ഞുവെന്നും അദ്ദേഹം വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ആനന്ദ് പറഞ്ഞു: “ഞാൻ ഒൻപതാം ക്ലാസ്സിൽ പഠിക്കുമ്പോഴാണ് ചേട്ടൻ മുങ്ങി മരിച്ചത്. അന്ന് ആ ദുഃഖത്തിന്റെ ആഴം എനിക്ക് മനസ്സിലായില്ല.

പിന്നീട് പ്ലസ് ടുവിന് പഠിക്കുമ്പോൾ അപ്രതീക്ഷിതമായി ‘മൂന്നാംപക്കം’ കണ്ടു. ആ ചിത്രം കണ്ടപ്പോഴാണ് ഞാൻ പൊട്ടിക്കരഞ്ഞത്.

സിനിമകൾക്ക് ഇത്തരം സ്വാധീനം ഉണ്ടാക്കാൻ കഴിയുന്നത് വലിയ അത്ഭുതമാണ്. ” താൻ കണ്ട ഏറ്റവും മികച്ച പ്രണയചിത്രം ‘തൂവാനത്തുമ്പികൾ’ ആണെന്നും, അത് കുറഞ്ഞത് 200 തവണയെങ്കിലും കണ്ടിട്ടുണ്ടെന്നും ആനന്ദ് പറഞ്ഞു.

മലയാള സിനിമ കടുത്ത പ്രതിസന്ധിയിലെന്ന് ഫിലിം ചേംബർ

പത്മരാജൻ ചിത്രങ്ങൾ കാലാതീതമാണെന്നും, ചലച്ചിത്ര വിദ്യാർത്ഥികൾക്ക് അവ ഒരു സർവകലാശാല പോലെയാണെന്നും അദ്ദേഹം കൂട്ടിച്ചേർത്തു.

Story Highlights: Director Anand Ekarshi shares how films, especially Padmarajan’s, have profoundly influenced his life and understanding of emotions.

മലയാള സിനിമ കടുത്ത പ്രതിസന്ധിയിലെന്ന് ഫിലിം ചേംബർ