അമൂലിന്റെ രാജ്യാന്തര വിപണി വിപുലീകരണ പദ്ധതികൾ വിജയകരമായി മുന്നോട്ട് പോകുന്നതായി മാനേജിങ് ഡയറക്ടർ ജയൻ മേത്ത അഭിപ്രായപ്പെട്ടു. അമേരിക്കൻ വിപണിയിലെ തങ്ങളുടെ പ്രവേശനം വൻ വിജയമായതിനെ തുടർന്ന് ഇനി യൂറോപ്യൻ വിപണിയിലേക്കാണ് കമ്പനി ലക്ഷ്യമിടുന്നതെന്ന് അദ്ദേഹം വ്യക്തമാക്കി. ഡോ.
വർഗീസ് കുര്യൻ അനുസ്മരണ പ്രഭാഷണത്തിലാണ് അദ്ദേഹം ഇക്കാര്യങ്ങൾ പറഞ്ഞത്. ലോകത്തെ ഏറ്റവും വലിയ ക്ഷീരോൽപ്പാദക രാജ്യമായ ഇന്ത്യ, ആഗോള വിപണിയുടെ 30 ശതമാനം പാൽ ഉൽപ്പാദിപ്പിക്കാനാണ് ലക്ഷ്യമിടുന്നതെന്ന് ജയൻ മേത്ത പറഞ്ഞു. ഗ്രാമീണ ഇന്ത്യയിൽ ക്ഷീരോൽപ്പാദനം വെറും ബിസിനസല്ല, മറിച്ച് ജീവവായുവാണെന്നും അദ്ദേഹം കൂട്ടിച്ചേർത്തു.
വിപണിയിൽ സജീവമായി നിലനിൽക്കാനും ഉപഭോക്താക്കളുടെ താൽപര്യങ്ങൾ സംരക്ഷിച്ചുകൊണ്ട് വൈവിധ്യമാർന്ന ഉൽപ്പന്നങ്ങളിലൂടെ മുന്നോട്ട് പോകാനുമാണ് അമൂൽ ലക്ഷ്യമിടുന്നതെന്നും അദ്ദേഹം വ്യക്തമാക്കി. ഡോ. വർഗീസ് കുര്യനെ അനുസ്മരിച്ച് സംസാരിച്ച ജയൻ മേത്ത, ലോകത്തിന് ഇന്ത്യയുടെ സംഭാവനയായി കാണാവുന്നത് ഡോ.
കുര്യൻ കാട്ടിത്തന്ന സഹകരണ പ്രവർത്തന സമ്പ്രദായമാണെന്ന് പറഞ്ഞു. സഹകരണ പ്രസ്ഥാനങ്ങളിൽ അദ്ദേഹം പുലർത്തിയ വിശ്വാസം ഇന്ത്യയിൽ ഒരു പുതുവിപ്ലവമായി മാറിയെന്നും അദ്ദേഹം കൂട്ടിച്ചേർത്തു. ഗുജറാത്ത് കോ-ഓപറേറ്റീവ് മിൽക് മാർക്കറ്റിങ് ഫെഡറേഷൻ ലിമിറ്റഡിന്റെ കൂടി മാനേജിങ് ഡയറക്ടറാണ് ജയൻ മേത്ത.
Story Highlights: AMUL aims to expand into European market after success in US, says MD Jayen Mehta
തിരുപ്പതി ക്ഷേത്രത്തിൽ അമുൽ നെയ്യ് വിതരണം ചെയ്യുന്നുവെന്ന വാർത്തകൾ തള്ളി കമ്പനി രംഗത്തെത്തി. Read more
