AMMA Split Rumors Denied by Actor Vinumohan, Emphasizes Unity

അമ്മ സംഘടനയിൽ പിളർപ്പ് ഉണ്ടാകുമെന്ന വാർത്ത തള്ളിക്കളഞ്ഞിരിക്കുകയാണ് അഡോഹ് കമ്മിറ്റി ചുമതലയുള്ള നടൻ വിനുമോഹൻ. വാർത്ത പുറത്തുവന്നതിനു പിന്നാലെ അംഗങ്ങളെ വിളിച്ച് അന്വേഷിച്ചപ്പോൾ ആർക്കും ഇക്കാര്യത്തെക്കുറിച്ച് അറിവില്ലെന്ന് അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സംഘടനയ്ക്ക് പുറത്തുള്ളവരാകാം ഈ വാർത്തയ്ക്ക് പിന്നിലെന്നും അദ്ദേഹം സൂചിപ്പിച്ചു. അമ്മയുടെ ക്ഷേമപ്രവർത്തനങ്ങൾ മികച്ച രീതിയിൽ മുന്നോട്ടു പോകുന്നുണ്ടെന്നും അംഗങ്ങൾ ആരും ഇതുവരെ ആശങ്ക പ്രകടിപ്പിച്ചിട്ടില്ലെന്നും വിനുമോഹൻ പറഞ്ഞു.

കൂടുതൽ കരുത്തോടെ മുന്നോട്ട് പോകുമെന്നും അദ്ദേഹം കൂട്ടിച്ചേർത്തു. ഹേമ കമ്മിറ്റി റിപ്പോർട്ട് ഗൗരവമുള്ളതാണെന്നും കുറ്റക്കാർക്കെതിരെ നടപടി വേണമെന്നും അദ്ദേഹം അഭിപ്രായപ്പെട്ടു.

എന്നാൽ നിരപരാധികളെ ക്രൂശിക്കരുതെന്നും അദ്ദേഹം കൂട്ടിച്ചേർത്തു. എന്നാൽ, അമ്മയിലെ വിമത നീക്കങ്ങളിൽ താരങ്ങൾക്കിടയിൽ കടുത്ത അതൃപ്തിയുണ്ടെന്നാണ് റിപ്പോർട്ടുകൾ സൂചിപ്പിക്കുന്നത്.

അമ്മയ്ക്ക് ബദലായി ട്രേഡ് യൂണിയൻ രൂപീകരിക്കുന്നത് സംഘടനയുടെ തകർച്ചയിലേക്ക് നയിക്കുമെന്നാണ് വിലയിരുത്തൽ. സംഘടനയുടെ പ്രവർത്തനങ്ങളിൽ അസംതൃപ്തിയുള്ള 20 പേരാണ് ട്രേഡ് യൂണിയൻ നീക്കങ്ങളിലേക്ക് കടന്നതെന്നും കൂടുതൽ അഭിനേതാക്കളെ ഒപ്പം നിർത്തി ഈ ആശയം ശക്തമായി മുന്നോട്ടു കൊണ്ടുപോകാനാണ് ഇവരുടെ തീരുമാനമെന്നും റിപ്പോർട്ടുകൾ സൂചിപ്പിക്കുന്നു.

ജയിലർ 2 ചിത്രീകരണത്തിനായി രജനീകാന്ത് അട്ടപ്പാടിയിൽ

Story Highlights: Actor Vinumohan denies rumors of split in AMMA, emphasizes unity and welfare activities

ലഹരി ഉപയോഗിക്കുന്നവർക്കൊപ്പം സിനിമ ചെയ്യില്ല: വിൻസി അലോഷ്യസിന് A.M.M.Aയുടെ പിന്തുണ