AMMA Denies Rumors of Urgent Meeting Called by Mohanlal

മലയാള സിനിമാ താരങ്ങളുടെ സംഘടനയായ അമ്മയുടെ അടിയന്തര യോഗം നാളെ നടക്കുമെന്ന വാർത്തകൾ തെറ്റാണെന്ന് അമ്മ നേതൃത്വം വ്യക്തമാക്കി. മോഹൻലാൽ യോഗം വിളിച്ചുചേർത്തിട്ടില്ലെന്ന് അദ്ദേഹവുമായി അടുത്ത വൃത്തങ്ങൾ ട്വന്റിഫോറിനോട് സ്ഥിരീകരിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

അഡ്ഹോക് കമ്മിറ്റി അംഗങ്ങളും ഈ വാർത്ത തെറ്റാണെന്ന് സ്ഥിരീകരിച്ചിട്ടുണ്ട്. യോഗത്തെക്കുറിച്ച് തനിക്ക് യാതൊരു അറിവുമില്ലെന്ന് ജഗദീഷും പ്രതികരിച്ചു.

ജനറൽ ബോഡി നയം തീരുമാനിക്കാനാണ് മോഹൻലാൽ യോഗം വിളിച്ചതെന്നായിരുന്നു പ്രചരിച്ച വാർത്ത. എന്നാൽ, യോഗത്തിനായി ആലോചന പോലും നടന്നിട്ടില്ലെന്നും സമീപഭാവിയിൽ യോഗം നടത്താൻ തീരുമാനിച്ചിട്ടില്ലെന്നും അഡ്ഹോക് കമ്മിറ്റി അറിയിച്ചു.

ചില മാധ്യമങ്ങൾ പ്രചരിപ്പിക്കുന്ന വ്യാജ വാർത്തകളിൽ വഞ്ചിതരാകരുതെന്ന് അമ്മയുടെ അഡ്ഹോക് കമ്മിറ്റി പ്രതിനിധികൾ ട്വന്റിഫോറിനോട് പറഞ്ഞു. ഈ സാഹചര്യത്തിൽ, അമ്മയുടെ അടുത്ത യോഗം എപ്പോൾ നടക്കുമെന്നതിനെക്കുറിച്ച് വ്യക്തതയില്ലാത്ത സ്ഥിതിയാണ് നിലവിലുള്ളത്.

എട്ട് മാസത്തെ ഇടവേളക്ക് ശേഷം മമ്മൂട്ടി വീണ്ടും സിനിമയിലേക്ക്; ഒക്ടോബറിൽ 'പാട്രിയറ്റ്' ഷൂട്ടിംഗിന് ജോയിൻ ചെയ്യും

Story Highlights: AMMA denies rumors of urgent meeting called by Mohanlal, clarifies no plans for immediate gathering

മോഹൻലാലിനെ സംസ്ഥാന സർക്കാർ ആദരിക്കുന്നു; പ്രവേശനം സൗജന്യം