Amaran Trailer: Shiva Karthikeyan's Tribute to Major Mukund Varadarajan

ആരാധകരുടെ കാത്തിരിപ്പിന് വിരാമമിട്ട് ശിവ കാർത്തികേയൻ ചിത്രം അമരന്റെ ട്രെയിലർ പുറത്തിറങ്ങി. ഭീകരർക്കെതിരായി പോരാടി വീരമൃത്യു വരിച്ച മേജർ മുകുന്ദ് വരദരാജന്റെ ജീവിതം പറയുന്ന ചിത്രമാണ് അമരൻ. രാജ്കുമാറാണ് സംവിധായകൻ.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മുകുന്ദ് വരദരാജനായി ശിവകാർത്തികേയനും ഭാര്യ ഇന്ദു റെബേക്ക വർഗീസ് ആയി സായി പല്ലവിയും എത്തുന്നു. കമൽഹാസന്റെ രാജ് കമൽ ഫിലിംസാണ് ചിത്രം നിർമ്മിക്കുന്നത്. ഒക്ടോബർ 31 ന് തീയേറ്ററുകളിൽ എത്തുന്ന ചിത്രം കേരളത്തിൽ വിതരണം ചെയ്യുന്നത് ശ്രീ ഗോകുലം മൂവീസാണ്.

ജയിലർ, ജവാൻ, ലിയോ, വേട്ടയ്യൻ തുടങ്ങി വമ്പൻ സിനിമകൾ കേരളത്തിൽ വിതരണത്തിനെത്തിച്ച സ്ഥാപനമാണിത്. ജമ്മു കശ്മീരിലെ 44-ാമത് രാഷ്ട്രീയ റൈഫിൾസ് ബറ്റാലിയനിലേക്ക് ഡെപ്യൂട്ടേഷനിലായിരിക്കെ തീവ്രവാദ വിരുദ്ധ ഓപ്പറേഷനിൽ നടത്തിയ പ്രവർത്തനങ്ങൾക്ക് മരണാനന്തരം അശോക ചക്രം നൽകി ആദരിക്കപ്പെട്ട മുകുന്ദ്, തമിഴ്നാട്ടിൽ നിന്ന് അശോക ചക്രം ലഭിക്കുന്ന നാലാമത്തെ വ്യക്തിയാണ്. 2014 ൽ തെക്കൻ കശ്മീരിലെ ഒരു ഗ്രാമത്തിൽ തീവ്രവാദ വിരുദ്ധ തിരച്ചിലിനിടെ വെടിയേറ്റു വീരമൃത്യു വരിക്കുകയായിരുന്നു.

നവ്യ നായർ, സൗബിൻ ഷാഹിർ ചിത്രം 'പാതിരാത്രി'യിലെ ഗാനം പുറത്തിറങ്ങി

മലയാളിയായ ഇന്ദു റബേക്ക വർഗീസാണ് മേജർ മുകുന്ദ് വരദരാജന്റെ ഭാര്യ. ഭുവൻ അറോറ, രാഹുൽ ബോസ്, ശ്രീകുമാർ, വികാസ് ബംഗർ എന്നിവരും മലയാള താരം ശ്യാം മോഹനും ചിത്രത്തിൽ പ്രധാന വേഷങ്ങളിൽ എത്തുന്നു.

Story Highlights: Trailer for Shiva Karthikeyan’s ‘Amaran’, based on Major Mukund Varadarajan’s life, released

ഉദയനിധി സ്റ്റാലിന്റെ മകൻ ഇൻപനിധി സിനിമയിലേക്ക്; അരങ്ങേറ്റം മാരി സെൽവരാജ് ചിത്രത്തിലൂടെ