Amala Paul Responds to Criticism Over College Event Outfit

കൊച്ചി: ലെവല് ക്രോസ് എന്ന പുതിയ ചിത്രത്തിന്റെ പ്രമോഷനുമായി ബന്ധപ്പെട്ട് നടി അമല പോള് ഒരു കോളേജില് പരിപാടിക്കെത്തിയപ്പോള് ധരിച്ച വസ്ത്രം വലിയ ചര്ച്ചകള്ക്ക് വഴിവച്ചു. താരത്തിനെതിരെ കാസ വിമര്ശനവുമായി രംഗത്തെത്തി. ഇപ്പോള് ഈ വിമര്ശനങ്ങള്ക്ക് മറുപടിയുമായി അമല പോള് തന്നെ രംഗത്തെത്തിയിരിക്കുകയാണ്. തനിക്ക് ഇഷ്ടപ്പെട്ട വസ്ത്രമാണ് താന് ധരിച്ചതെന്ന് താരം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സിനിമയുടെ റിലീസിന്റെ ഭാഗമായി കൊച്ചിയില് നടന്ന പ്രസ്മീറ്റിലാണ് താരം വിമര്ശനങ്ങള്ക്ക് മറുപടി നല്കിയത്. താന് ധരിച്ച വസ്ത്രത്തില് എന്തെങ്കിലും പ്രശ്നമുണ്ടെന്നോ അത് അനുചിതമാണെന്നോ താന് കരുതുന്നില്ലെന്ന് അമല പറഞ്ഞു. എന്നാല് അത് ക്യാമറയില് കാണിച്ച വിധം അനുചിതമായതായിരിക്കാമെന്നും അവര് കൂട്ടിച്ചേര്ത്തു. കാരണം, അവിടെയുണ്ടായിരുന്ന വിദ്യാര്ത്ഥികള്ക്ക് താന് ധരിച്ചത് മോശമായ വസ്ത്രമാണെന്ന് തോന്നിയിട്ടില്ലെന്നും താരം വ്യക്തമാക്കി.

ആലപ്പുഴ ജിംഖാനയിലെ രണ്ടാം ഗാനം പുറത്തിറങ്ങി

താന് ധരിച്ചുവന്ന വസ്ത്രം എങ്ങനെ ഷൂട്ട് ചെയ്യണമെന്നോ എങ്ങനെ കാട്ടണമെന്നതോ തന്റെ കൈകളിലുള്ള കാര്യമല്ലെന്ന് അമല പോള് പറഞ്ഞു. ചിലപ്പോള് എടുത്ത രീതിയായിരിക്കാം അനുചിതമായതെന്നും അവര് കൂട്ടിച്ചേര്ത്തു. വിദ്യാര്ത്ഥികളോട് നിങ്ങള് നിങ്ങളായിരിക്കാന് ശ്രദ്ധിക്കണമെന്നും, തനിക്ക് ഇഷ്ടമുള്ളതാണ് താന് ധരിച്ചതെന്നും അമല പോള് പറഞ്ഞു.