വാരിയംകുന്നത്ത് കുഞ്ഞഹമ്മദ് ഹാജിയുടെ ജീവിതം പറയുന്ന ‘വാരിയംകുന്നന്‍’ എന്ന സിനിമയില്‍ നിന്നും സംവിധായകന്‍ ആഷിഖ് അബുവും നടൻ പൃഥ്വിരാജും പിന്‍മാറിയെങ്കിലും താൻ സംവിധാനം ചെയ്യുന്ന ‘1921 പുഴ മുതല്‍ പുഴ വരെ’ എന്ന സിനിമയുമായി മുന്നോട്ടുപോവുകയാണ് അലി അക്ബര്‍ പറഞ്ഞു.
സിനിമയുടെ ലൊക്കേഷനില്‍ നിന്നുള്ള പുതിയ ചിത്രങ്ങളും അദ്ദേഹം ഫേസ്ബുക്കിലൂടെ പങ്കുവച്ചു. സംവിധായകന്‍ ആഷിഖ് അബു ‘വാരിയംകുന്നന്‍’ എന്ന സിനിമ പ്രഖ്യാപിച്ചതിന് പിന്നാലെയായിരുന്നു തന്‍റെ പുതിയ ചിത്രത്തെക്കുറിച്ച് അലി അക്ബറും പ്രഖ്യാപിച്ചത്. ജനങ്ങളില്‍ നിന്നും പണം പിരിച്ചാണ് ചിത്രം നിർമ്മിക്കുന്നതെന്നും അദ്ദേഹം പറഞ്ഞിരുന്നു.
വാരിയൻ കുന്നത്ത് കുഞ്ഞഹമ്മദ് ഹാജിയുടെ വേഷം അവതരിപ്പിക്കുന്നത് നടന്‍ തലൈവാസല്‍ വിജയ് ആണ്. ജോയ് മാത്യൂവും ചിത്രത്തിൽ ഒരു പ്രധാന കഥാപാത്രത്തെ അവതരിപ്പിക്കുന്നു.
മൂന്ന് ഷെഡ്യൂളുകളായാണ് ചിത്രത്തിന്റെ ചിത്രീകരണം നടക്കുക. കഴിഞ്ഞ ഏപ്രിലില്‍ ചിത്രത്തിന്റെ ട്രയിലര്‍ പുറത്തിറങ്ങിയിരുന്നു. സിനിമയുടെ ആദ്യ ഷെഡ്യൂളിലെ ചിത്രീകരണ ദൃശ്യങ്ങളാണ് ട്രയിലറായി പുറത്തിറക്കിയിരുന്നത്.
Story highlight : Ali Akbar shared the location pictures of the movie ‘1921puzha muthal puzha vare’.
