**ആലപ്പുഴ ◾:** മുൻ മുഖ്യമന്ത്രി വി.എസ്. അച്യുതാനന്ദന്റെ സംസ്കാര ചടങ്ങുകൾ നടക്കുന്നതിനാൽ ഇന്ന് ആലപ്പുഴ ജില്ലയിൽ ഗതാഗത നിയന്ത്രണം ഏർപ്പെടുത്തി. അദ്ദേഹത്തിന്റെ അന്ത്യയാത്രക്ക് തിരഞ്ഞെടുത്തിരിക്കുന്നത് സാധാരണ കെഎസ്ആർടിസി ബസ്സിൽ നിന്നും വ്യത്യസ്തമായി ഗ്ലാസ് പാർട്ടീഷനുള്ള ജെ എൻ 363 എ സി ലോ ഫ്ലോർ ബസ്സാണ്. വി.എസിന്റെ ചിത്രങ്ങൾ ഉൾപ്പെടുത്തി പുഷ്പങ്ങളാൽ അലങ്കരിച്ച വാഹനമാണ് ഒരുക്കിയിരിക്കുന്നത്. സംസ്കാര ചടങ്ങുകൾ കഴിയുന്നത് വരെ ഗതാഗത നിയന്ത്രണം തുടരും.
ജില്ലാ പോലീസ് മേധാവി അറിയിച്ചത് അനുസരിച്ച്, വസതിയിലെ പൊതുദർശനവുമായി ബന്ധപ്പെട്ട് പഴയനടക്കാവ് റോഡിലെ വാഹന ഗതാഗതം ഇന്ന് രാവിലെ 11 വരെ പൂർണ്ണമായും നിരോധിച്ചിരിക്കുകയാണ്. കായംകുളം ഭാഗത്തുനിന്നും വരുന്ന വാഹനങ്ങൾ ജി.എച്ച് ജംഗ്ഷൻ വഴി പടിഞ്ഞാറോട്ട് വന്ന് ഡബ്ലിയു ആൻഡ് സി വഴി ബീച്ച് റോഡിൽ എത്തി, പൊലീസ് പരേഡ് ഗ്രൗണ്ടിന് പടിഞ്ഞാറു വശം ആളുകളെ ഇറക്കിയ ശേഷം വിജയ പാർക്ക് വഴി കനാൽ സൈഡിൽ പാർക്ക് ചെയ്യണം. ചെറിയ വാഹനങ്ങൾ ബീച്ച് റോഡിൽ പാർക്ക് ചെയ്യേണ്ടതാണ്.
എറണാകുളം, തണ്ണീർമുക്കം ഭാഗങ്ങളിൽ നിന്നും വരുന്ന വാഹനങ്ങൾ പവർ ഹൗസ് ജംഗ്ഷൻ, കോൺവെന്റ് സ്ക്വയർ, കണ്ണൻ വർക്കി പാലം, കളക്ട്രേറ്റ് ജംഗ്ഷൻ വഴി പടിഞ്ഞാറോട്ട് വന്ന് ഡബ്ലിയു ആൻഡ് സി വഴി ബീച്ച് റോഡിൽ പ്രവേശിച്ച്, പൊലീസ് പരേഡ് ഗ്രൗണ്ടിന് പടിഞ്ഞാറു വശം ആളെ ഇറക്കിയ ശേഷം വിജയ പാർക്ക് വഴി കനാൽ സൈഡിൽ പാർക്ക് ചെയ്യണം. എ സി റോഡ് വഴി വരുന്ന വാഹനങ്ങൾ ജി എച്ച് ജംഗ്ഷൻ വഴി പടിഞ്ഞാറോട്ട് വന്ന് ഡബ്ലിയു ആൻഡ് സി വഴി ബീച്ച് റോഡിൽ എത്തി, പൊലീസ് പരേഡ് ഗ്രൗണ്ടിന് പടിഞ്ഞാറു വശം ആളെ ഇറക്കിയ ശേഷം വിജയ പാർക്ക് വഴി കനാൽ സൈഡിൽ പാർക്ക് ചെയ്യേണ്ടതാണ്. വാഹനങ്ങൾ പാർക്ക് ചെയ്യുന്നതിനായി എസ് ഡി കോളേജ് ഗ്രൗണ്ട്, ചിന്മയ വിദ്യാലയം എന്നിവ പ്രയോജനപ്പെടുത്താവുന്നതാണ്.
കെഎസ്ആർടിസി ദീർഘദൂര ബസുകൾ നഗരത്തിലേക്ക് പ്രവേശിക്കാതെ ബൈപ്പാസ് വഴി പോകണമെന്ന് അറിയിപ്പുണ്ട്. ചേർത്തല ഭാഗത്തുനിന്ന് വരുന്ന ദീർഘദൂര സർവീസുകൾ രാവിലെ ഒമ്പത് മണി മുതൽ വൈകിട്ട് അഞ്ച് മണി വരെ കൊമ്മാടി ബൈപ്പാസ് കയറി കളർകോട് വഴി അമ്പലപ്പുഴ ഭാഗത്തേക്ക് പോകേണ്ടതാണ്.
വസതിയിൽ നിന്നും വിലാപയാത്ര പുറപ്പെട്ട ശേഷം എ സി റോഡ് വഴി വരുന്ന വാഹനങ്ങൾ മങ്കൊമ്പ് പൂപ്പള്ളിയിൽ നിന്നും ഇടത്തോട്ട് കയറി അമ്പലപ്പുഴ വഴി ഹൈവേയിൽ പ്രവേശിച്ചു പോകേണ്ടതാണ്. ഇന്നലെ രാവിലെ 9 മുതൽ ദർബാർ ഹാളിലെ പൊതുദർശനം രണ്ടോടെ അവസാനിച്ചു.
അതേസമയം, വി.എസിന്റെ വിലാപയാത്ര അനന്തപുരി കടക്കാൻ 10 മണിക്കൂറെടുത്തു. അമ്പലപ്പുഴ ഭാഗത്തുനിന്ന് വരുന്ന ദീർഘദൂര സർവീസുകൾ കളർകോട് ബൈപ്പാസ് കയറി ചേർത്തല ഭാഗത്തേക്ക് പോകണമെന്ന് കെഎസ്ആർടിസി അധികൃതർ അറിയിച്ചു.
വി.എസുമായി ഏറെ വൈകാരിക ബന്ധമുള്ള നാടായ കൊല്ലത്തേക്ക് വിലാപയാത്ര പ്രവേശിച്ചപ്പോള് നേരം അര്ദ്ധരാത്രി കഴിഞ്ഞിട്ടും സ്ത്രീകൾ ഉൾപ്പെടെയുള്ള വൻ ജനാവലിയാണ് കണ്ണേ.. കരളേ വി എസ്സേ എന്ന് മുദ്രാവാക്യം മുഴക്കി കാത്തുനിന്നത്. മുദ്രാവാക്യങ്ങളുടെ അകമ്പടിയോടെ ഔദ്യോഗിക ബഹുമതി നൽകിയാണ് വി.എസിന്റെ മൃതദേഹം ഹാളിനു പുറത്തേക്കെത്തിച്ചത്. വിലാപയാത്രക്കായി പ്രത്യേകം സജ്ജീകരിച്ച ബസിലാണ് മൃതദേഹം കൊണ്ടുപോയത്.
Story Highlights: വി.എസ്. അച്യുതാനന്ദന്റെ സംസ്കാര ചടങ്ങുകളുമായി ബന്ധപ്പെട്ട് ഇന്ന് ആലപ്പുഴ ജില്ലയിൽ ഗതാഗത നിയന്ത്രണം ഏർപ്പെടുത്തിയിരിക്കുന്നു.
രാഷ്ട്രപതി ദ്രൗപതി മുർമുവിന്റെ സന്ദർശനത്തോടനുബന്ധിച്ച് തിരുവനന്തപുരം നഗരത്തിൽ ഗതാഗത നിയന്ത്രണം ഏർപ്പെടുത്തി. ഡിസംബർ Read more
ആലപ്പുഴ ഹരിപ്പാട് കെഎസ്ആർടിസി സൂപ്പർഫാസ്റ്റ് ബസ്സും ബൈക്കും കൂട്ടിയിടിച്ച് രണ്ട് യുവാക്കൾ മരിച്ചു. Read more
ആലപ്പുഴയിൽ തണ്ണീർമുക്കം സ്വദേശിയായ പത്ത് വയസ്സുകാരന് അമീബിക് മസ്തിഷ്കജ്വരം സ്ഥിരീകരിച്ചു. കുട്ടി കോട്ടയം Read more
ആലപ്പുഴ കായംകുളത്ത് അഭിഭാഷകനായ മകൻ പിതാവിനെ വെട്ടിക്കൊന്നു. ഗുരുതരമായി പരിക്കേറ്റ മാതാവിനെ വണ്ടാനം Read more
ആലപ്പുഴ കൈനകരിയിൽ ഗർഭിணியെ കൊലപ്പെടുത്തി കായലിൽ തള്ളിയ കേസിൽ രണ്ടാം പ്രതി രജനിക്ക് Read more
കൈനകരിയിൽ ഗർഭിണിയായ യുവതിയെ കൊലപ്പെടുത്തിയ കേസിൽ ഒന്നാം പ്രതിക്ക് വധശിക്ഷ. ആലപ്പുഴ അഡീഷണൽ Read more
ആലപ്പുഴ പുന്നമടയിൽ ഹൗസ് ബോട്ടിന് തീപിടിച്ചു. യാത്ര ആരംഭിക്കുന്നതിന് മുൻപാണ് അപകടമുണ്ടായത്. രണ്ട് Read more
ആലപ്പുഴ ജില്ലാ കളക്ടർ അലക്സ് വർഗീസ് ബിഎൽഒമാരെ രൂക്ഷമായി ശാസിച്ചു. മതിയായ രീതിയിൽ Read more
കേരള കോൺഗ്രസ് ജോസഫ് വിഭാഗത്തിന് സീറ്റ് നൽകിയതിൽ മനംനൊന്ത് യുഡിഎഫ് ബൂത്ത് പ്രസിഡന്റ് Read more
അരൂർ-തൂറവൂർ ഉയരപ്പാതയിൽ ഗർഡർ തകർന്ന് അപകടം. അപകടകാരണം ഹൈഡ്രോളിക് ജാക്കിയുടെ തകരാറാണെന്ന് ജില്ലാ Read more
