നാഗചൈതന്യയുടെ വിവാഹത്തിന് ദിവസങ്ങൾ മാത്രം ബാക്കി നിൽക്കെ, അക്കിനേനി കുടുംബം ഇളയ മകൻ അഖിൽ അക്കിനേനിയുടെ വിവാഹ വിശേഷം പുറത്തുവിട്ടു. കഴിഞ്ഞ ചൊവ്വാഴ്ച അഖിൽ അക്കിനേനിയുടെയും സൈനബ് റാവ്ജിയുടെയും വിവാഹനിശ്ചയ വിവരം പ്രഖ്യാപിച്ചു. റിപ്പോർട്ടുകൾ സൂചിപ്പിക്കുന്നത് വിവാഹം അടുത്ത വർഷമായിരിക്കും എന്നാണ്. നാഗാർജുന അക്കിനേനിയുടെ ഇളയ മകനാണ് അഖിൽ അക്കിനേനി.
39 വയസ്സുകാരിയായ സൈനബ് റാവ്ജി ഒരു പെയിന്റിങ് ആർട്ടിസ്റ്റാണ്. ഇന്ത്യ, ദുബായ്, ലണ്ടൻ എന്നീ രാജ്യങ്ങളിൽ കേന്ദ്രീകരിച്ചാണ് അവരുടെ പ്രവർത്തനം. നിരവധി എക്സിബിഷനുകളിൽ സൈനബിന്റെ പെയിന്റിങ്ങുകൾ പ്രദർശിപ്പിച്ചിട്ടുണ്ട്. വ്യവസായിയായ സുൽഫി റാവ്ജിയുടെ മകളാണ് സൈനബ്. സൈനബിന്റെ സഹോദരൻ സെയിൻ ഇസഡ് ആൻഡ് റിന്യൂവബിൾ എനർജി എന്ന കമ്പനിയുടെ ചെയർമാനും മാനേജിങ് ഡയറക്ടറുമാണ്.
ഏതാനും വർഷങ്ങൾക്ക് മുൻപാണ് അഖിൽ അക്കിനേനിയും സൈനബും പരിചയപ്പെടുന്നത്. ഇരുവരുടെയും സൗഹൃദം പ്രണയമായി മാറുകയായിരുന്നു. വിവാഹവിവരം പുറത്തുവന്നതോടെ അഖിലും സൈനബും തമ്മിലുള്ള 9 വയസ്സ് പ്രായവ്യത്യാസവും സമൂഹമാധ്യമങ്ങളിൽ ചർച്ചയായിട്ടുണ്ട്. നേരത്തെ 2016-ൽ ശ്രിയ ഭൂപാലുമായി അഖിലിന്റെ വിവാഹനിശ്ചയം നടന്നിരുന്നെങ്കിലും പിന്നീട് ഇരുവരും വിവാഹത്തിൽ നിന്നും പിൻമാറുകയായിരുന്നു.
Story Highlights: Akhil Akkineni, son of Nagarjuna Akkineni, announces engagement to painter Saynab Ravji, wedding expected next year
