Ahaana Krishna's Delightful Encounter with Prithviraj Sukumaran

ഒരു അപ്രതീക്ഷിത വിമാന യാത്രയിൽ നടൻ പൃഥ്വിരാജിനെ കണ്ടുമുട്ടിയതിന്റെ സന്തോഷം നടി അഹാന കൃഷ്ണ സമൂഹമാധ്യമങ്ങളിലൂടെ പങ്കുവച്ചു. സാധാരണയായി അതിരാവിലെയുള്ള വിമാന യാത്രകൾ തനിക്ക് ഇഷ്ടമല്ലെന്നും എന്നാൽ ഈ യാത്ര വളരെ പ്രിയപ്പെട്ടതായി മാറിയെന്നും അഹാന കുറിച്ചു. പൃഥ്വിരാജിനൊപ്പമുള്ള ചിത്രം പങ്കുവെച്ചുകൊണ്ട് ഇൻസ്റ്റാഗ്രാമിലാണ് നടി ഈ സന്തോഷവാർത്ത ആരാധകരുമായി പങ്കുവെച്ചത്. മേഘങ്ങൾക്ക് മുകളിൽ സൂര്യനുദിക്കുന്ന മനോഹരമായ ദൃശ്യം കാണാനായതും ഈ യാത്രയെ മറക്കാനാവാത്തതാക്കി മാറ്റിയെന്ന് അഹാന കൂട്ടിച്ചേർത്തു. പൃഥ്വിരാജിനെ കണ്ട നിമിഷം മനസ്സിൽ വന്നത് ‘ആംഖോം മേ തേരി’ എന്ന ഗാനമാണെന്നും അഹാന കൃഷ്ണ തന്റെ ഇൻസ്റ്റാഗ്രാം പോസ്റ്റിൽ കുറിച്ചു. ഈ യാത്രയിൽ തനിക്ക് ഏറ്റവും പ്രിയപ്പെട്ട രണ്ട് കാര്യങ്ങൾ സംഭവിച്ചുവെന്ന് അഹാന പറഞ്ഞു. ഒന്ന്, പ്രിയപ്പെട്ട പൃഥ്വിരാജ് സുകുമാരനെ കാണാൻ കഴിഞ്ഞു എന്നുള്ളതും മറ്റൊന്ന് മേഘങ്ങൾക്ക് മുകളിൽ നിന്നുള്ള സൂര്യോദയം കാണാൻ കഴിഞ്ഞു എന്നുള്ളതുമാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

View this post on Instagram

A post shared by Ahaana Krishna (@ahaana_krishna)

പൃഥ്വിരാജിന്റെ പുതിയ ലുക്കിലുള്ള ചിത്രമാണ് അഹാന കൃഷ്ണ പങ്കുവെച്ചിരിക്കുന്നത്. രാജമൗലിയുടെ പുതിയ ചിത്രത്തിൽ പൃഥ്വിരാജ് അഭിനയിക്കാൻ പോകുന്നുവെന്ന് അമ്മ മല്ലിക സുകുമാരൻ നേരത്തെ വെളിപ്പെടുത്തിയിരുന്നു. നിരവധി ആരാധകരാണ് നടിയുടെ പോസ്റ്റിന് താഴെ കമന്റുമായി എത്തിയിരിക്കുന്നത്. പുതിയ ലുക്കിലുള്ള പൃഥ്വിരാജിനെയാണ് ചിത്രത്തിൽ കാണാനാവുന്നത്. നടിയുടെ പോസ്റ്റ് സമൂഹമാധ്യമങ്ങളിൽ വൈറലായിക്കഴിഞ്ഞു. പൃഥ്വിരാജിനെ കണ്ടതിന്റെ സന്തോഷം പങ്കുവെച്ച അഹാനയുടെ പോസ്റ്റ് ആരാധകർ ഏറ്റെടുത്തു കഴിഞ്ഞു.