Kerala's Advaith Raj Wins Silver at National Roller Skating Championship

ബാംഗ്ലൂരിൽ നടന്ന 62-ാമത് ദേശീയ റോളർ സ്കൂട്ടർ സ്കേറ്റിങ് ചാമ്പ്യൻഷിപ്പിൽ കേരളത്തിന് അഭിമാനമായി അദ്വൈത് രാജ് വെള്ളി മെഡൽ കരസ്ഥമാക്കി. കൊല്ലം പാൽകുളങ്ങര സ്വദേശിയായ അദ്വൈത്, യൂണിയൻ ബാങ്ക് ചീഫ് മാനേജർ രാജേഷ് ബാബുവിന്റെയും കൊല്ലം എസ് എൻ പബ്ലിക് കിഡ്സ് വേൾഡ് അധ്യാപിക ശ്രീബിന്ദുവിന്റെയും മകനാണ്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ മൂന്നു വർഷമായി തുടർച്ചയായി ദേശീയ റോളർ സ്കൂട്ടർ സ്കേറ്റിങ് ചാമ്പ്യൻഷിപ്പിൽ കൊല്ലത്തിന്റെ ഏക മെഡൽ ജേതാവായി അദ്വൈത് രാജ് മാറിയിരിക്കുകയാണ്. ഉളിയകോവിൽ സെന്റ് മേരീസ് പബ്ലിക് സ്കൂളിലെ ഒൻപതാം ക്ലാസ്സ് വിദ്യാർത്ഥിയായ ഈ കൊച്ചു മിടുക്കൻ, തന്റെ കഴിവുകൾ കൊണ്ട് കേരളത്തിന്റെ അഭിമാനമായി മാറിയിരിക്കുകയാണ്.

അതേസമയം, രാജ്യത്തെ മികച്ച കൗമാരതാരങ്ങൾ മത്സരിക്കുന്ന ദേശീയ ജൂനിയർ അത്ലറ്റിക് മീറ്റ് കലിംഗ സ്റ്റേഡിയത്തിൽ ആരംഭിച്ചു. കേരളത്തിൽ നിന്നും 108 അംഗസംഘമാണ് പങ്കെടുക്കുന്നത്. ഇതിൽ 92 പേർ ടീമിനൊപ്പം എത്തിച്ചേർന്നു, അതിൽ 42 പെൺകുട്ടികളും 50 ആൺകുട്ടികളുമാണ്. ബാക്കിയുള്ളവർ വരും ദിവസങ്ങളിൽ എത്തിച്ചേരും. കാസർകോട് സ്വദേശി കെ സി സെർവാനും ഇടുക്കി സ്വദേശി സാന്ദ്രമോൾ സാബുവുമാണ് കേരള ടീം ക്യാപ്റ്റൻമാർ. ആഷ്ലിൻ അലക്സാണ്ടർ വൈസ് ക്യാപ്റ്റനായും പ്രവർത്തിക്കും.