എം ആർ അജിത് കുമാറിന് മുഖ്യമന്ത്രിയുടെ പൊലീസ് മെഡൽ നൽകുന്നതിൽ തിരിച്ചടി നേരിട്ടു. വിവാദങ്ങളുടെ പശ്ചാത്തലത്തിൽ, എഡിജിപിക്ക് തത്കാലം മെഡൽ നൽകേണ്ടതില്ലെന്ന് ഡിജിപിയുടെ ഓഫീസ് അറിയിച്ചു. ഒരു അറിയിപ്പ് വരുന്നതുവരെ അജിത് കുമാറിന് പൊലീസ് മെഡൽ നൽകാവൂ എന്നാണ് ഉത്തരവിൽ പറയുന്നത്.
ഇത്തവണ 267 പേർക്കാണ് പൊലീസ് മെഡൽ നൽകുന്നത്. ഇതിൽ രണ്ട് ഐപിഎസ് ഉദ്യോഗസ്ഥരും ഉൾപ്പെടുന്നു. ക്രമസമാധാന ചുമതലയുള്ള എഡിജിപി എം.ആർ.അജിത് കുമാർ, സൈബർ ഡിവിഷൻ എസ്.പി. ഹരിശങ്കർ എന്നിവരായിരുന്നു പൊലീസ് മെഡലിന് അര്‍ഹരായ രണ്ട് ഐപിഎസ് ഉദ്യോഗസ്ഥര്‍.
സിവിൽ പൊലിസ് ഉദ്യോഗസ്ഥർ മുതൽ എഡിജിപിവരെയുള്ളവരെയാണ് പൊലീസ് മെഡലിനായി പരിഗണിക്കുന്നത്. കുറ്റാന്വേഷണം, ക്രമസമാധാനം, സൈബർ അന്വേഷണം, ബറ്റാലിയൻ എന്നിങ്ങനെ വിവിധ വിഭാഗങ്ങളിലുള്ളവരെ മെഡലിന് പരിഗണിച്ചിട്ടുണ്ട്. നാളെയാണ് മെഡലുകള്‍ വിതരണം ചെയ്യുന്നത്.
Story Highlights: ADGP M R Ajithkumar denied Police Medal amid controversies
