Vishal Calls for Committee to Address Women's Issues in Tamil Cinema

തമിഴ് സിനിമാ മേഖലയിലെ സ്ത്രീകളുടെ പ്രശ്നങ്ങൾ പഠിക്കാനും നടപടി എടുക്കാനും ഹേമ കമ്മിറ്റി മാതൃകയിൽ കമ്മിറ്റി രൂപീകരിക്കണമെന്ന് നടികർ സംഘം ജനറൽ സെക്രട്ടറി വിശാൽ ആവശ്യപ്പെട്ടു. മലയാള സിനിമാ മേഖലയിൽ ഹേമ കമ്മിറ്റി അന്വേഷണം നടത്തിയതു പോലെ തമിഴിലും അന്വേഷണം വേണമെന്നും അതിന്റെ നടപടികൾ ഉടൻ തന്നെ നടികർ സംഘം ആലോചിക്കുമെന്നും അദ്ദേഹം വ്യക്തമാക്കി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പുരുഷന്മാർക്ക് വേണ്ടി മാത്രമല്ല, തമിഴ് സിനിമയിലെ സ്ത്രീകൾക്ക് വേണ്ടി കൂടിയാണ് നടികർ സംഘമെന്നും പരാതിയുള്ള സ്ത്രീകൾ സംഘത്തെ സമീപിച്ചാൽ ശക്തമായ നടപടിയെടുക്കുമെന്നും വിശാൽ ഉറപ്പ് നൽകി. അഡ്ജസ്റ്റ്മെന്റ് ആവശ്യവുമായി വരുന്നവരെ സ്ത്രീകൾ ചെരുപ്പൂരി തല്ലണമെന്ന് താരം പറഞ്ഞു.

ഇത്തരത്തിൽ മറുപടി കൊടുത്താലെ ഇക്കൂട്ടരെ നിയന്ത്രിക്കാൻ പറ്റുകയുള്ളൂവെന്നും അദ്ദേഹം കൂട്ടിച്ചേർത്തു. ചില നടിമാർക്ക് സുരക്ഷാ പ്രശ്നമുണ്ടെന്നും അത് പരിഹരിക്കാൻ അവർക്ക് ബൗൺസർമാരെ വയ്ക്കേണ്ട അവസ്ഥയാണെന്നും വിശാൽ ചൂണ്ടിക്കാട്ടി.

എത്ര വലിയ താരമായാലും തെറ്റ് ചെയ്തിട്ടുണ്ടെങ്കിൽ ശിക്ഷിക്കപ്പെടണമെന്ന് വിശാൽ അഭിപ്രായപ്പെട്ടു. തമിഴ് സിനിമയിലെ സ്ത്രീകൾ അവർ നേരിട്ട അനുഭവത്തെ കുറിച്ച് പറയാൻ ധൈര്യത്തോടെ മുന്നോട്ട് വരണമെന്നും അദ്ദേഹം ആഹ്വാനം ചെയ്തു.

ആരെയൈാക്കെ ഏതൊക്കെ രീതിയില് ബാധിക്കുമെന്ന് ചിന്തിക്കാറില്ല, ചിന്തിച്ചാല് പേന ചലിപ്പിക്കാനാകില്ല; മുരളി ഗോപി അന്ന് പറഞ്ഞത് തന്നെയാണ് വിവാദങ്ങൾക്കുള്ള മറുപടി

സ്ത്രീകളുടെ പ്രശ്നങ്ങൾ പരിഹരിക്കുന്നതിനും അവരുടെ സുരക്ഷ ഉറപ്പാക്കുന്നതിനും നടികർ സംഘം പ്രതിജ്ഞാബദ്ധമാണെന്ന് വിശാൽ വ്യക്തമാക്കി.

Story Highlights: Actor Vishal calls for committee to investigate women’s issues in Tamil cinema industry

മനോജ് ഭാരതിരാജ അന്തരിച്ചു