Hema Committee Report: Hareesh Peradi Demands Action, Minister Responds

ഹേമ കമ്മിറ്റി റിപ്പോർട്ട് നാലുവർഷം സർക്കാർ പൂഴ്ത്തിവെച്ചുവെന്ന് നടൻ ഹരീഷ് പേരടി ആരോപിച്ചു. നട്ടെല്ലുള്ള ചില പെണ്ണുങ്ങളുടെ പോരാട്ടം ഒടുവിൽ ഫലം കണ്ടുവെന്നും അദ്ദേഹം പറഞ്ഞു. റിപ്പോർട്ടിനുമേൽ നടപടി എടുത്താലേ ഈ സർക്കാർ ഇടതുപക്ഷ സർക്കാരാകൂ എന്നും ഹരീഷ് പേരടി കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

തുറന്നുപറച്ചിലിന്റെ പേരിൽ അവസരങ്ങൾ നഷ്ടപ്പെടുമെന്ന ഭയമില്ലെന്നും, അങ്ങനെ സംഭവിച്ചാൽ ചങ്കൂറ്റത്തോടെ നേരിടുമെന്നും അദ്ദേഹം പ്രതികരിച്ചു. അതേസമയം, ഹേമ കമ്മിറ്റി റിപ്പോർട്ട് പൂർണമായി പുറത്തുവിടാനല്ല ഡബ്ല്യുസിസി ആവശ്യപ്പെട്ടതെന്ന് നടിയും ഡബ്ല്യുസിസി അംഗവുമായ രേവതി വ്യക്തമാക്കി. മൊഴി നൽകിയവരുടെ സ്വകാര്യത സംരക്ഷിക്കണമെന്നാണ് തങ്ങളുടെ ആഗ്രഹമെന്നും അവർ പറഞ്ഞു.

റിപ്പോർട്ട് ആർക്കെങ്കിലുമെതിരെ ഭീഷണി ഉയർത്താനോ ഭീഷണിപ്പെടുത്താനോ വേണ്ടിയല്ലെന്നും രേവതി വ്യക്തമാക്കി. തുടർ നടപടികളെക്കുറിച്ച് കൂടിയാലോചിച്ച ശേഷം തീരുമാനമെടുക്കേണ്ടതാണെന്നും അവർ കൂട്ടിച്ചേർത്തു. ഹേമ കമ്മറ്റി റിപ്പോർട്ടിൽ പരാതിയുമായി വരുന്നവരുടെ പരാതി പരിശോധിക്കാൻ പ്രത്യേക സംഘത്തെ നിയോഗിക്കുമെന്ന് മന്ത്രി സജി ചെറിയാൻ പ്രഖ്യാപിച്ചു.

നിയമ രംഗത്തെ പ്രമുഖരുമായി സംസാരിച്ച് ഭാവിയിൽ എന്ത് ചെയ്യണമെന്ന് ധാരണ ഉണ്ടാക്കുമെന്നും അദ്ദേഹം പറഞ്ഞു. പരാതി ഉണ്ടെങ്കിൽ കേസെടുക്കുമെന്നും സർക്കാർ സ്ത്രീ സമൂഹത്തിനൊപ്പമാണെന്നും മന്ത്രി വ്യക്തമാക്കി. നിയമപരമായ വശങ്ങൾ പരിശോധിച്ച് തുടർ നടപടികളിലേക്ക് പോകുമെന്നും കോടതിയുടെ നിർദേശം അനുസരിച്ച് മാത്രമേ നടപടി സ്വീകരിക്കൂ എന്നും അദ്ദേഹം കൂട്ടിച്ചേർത്തു.

‘എമ്പുരാൻ’ വിവാദം; പ്രതികരിക്കാനില്ലെന്ന് മുരളി ഗോപി

Story Highlights: Actor Hareesh Peradi criticizes government for withholding Hema Committee report for four years

ആലപ്പുഴ ജിംഖാന: വിഷുവിന് തിയേറ്ററുകളിലേക്ക്