Actor Bala's Fourth Marriage: Weds Relative Kokila in Private Ceremony

നടൻ ബാല വീണ്ടും വിവാഹിതനായി. എറണാകുളം കലൂർ പാവക്കുളം ക്ഷേത്രത്തിൽ വെച്ചായിരുന്നു വിവാഹം നടന്നത്. നടന്റെ ബന്ധുവായ കോകിലയാണ് വധു. കോകില ബാലയുടെ അമ്മാവന്റെ മകളും തമിഴ്നാട് സ്വദേശിയുമാണ്. നടന്റെ അടുത്ത ബന്ധുക്കൾ മാത്രമാണ് ചടങ്ങിൽ പങ്കെടുത്തത്. ഇത് ബാലയുടെ നാലാം വിവാഹമായിരുന്നു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കുട്ടിക്കാലം മുതൽ ബാലയെ തനിക്ക് വളരെ ഇഷ്ടമായിരുന്നുവെന്ന് കോകില വിവാഹശേഷം മാധ്യമങ്ങളോട് വെളിപ്പെടുത്തി. “കുട്ടിക്കാലം മുതൽ എനിക്ക് ബാലയെ ഒത്തിരി ഇഷ്ടമാണ്. ചെന്നൈയിലാണ് എന്റെ വീട്. അതുകൊണ്ട് ഇവിടെ നടക്കുന്ന കാര്യങ്ങളൊന്നും എനിക്ക് അറിയില്ലായിരുന്നു. ഇവിടെ വന്ന ശേഷമാണ് എല്ലാം മനസിലായത്. ബാലയെ കുറിച്ച് ഒരു ഡയറി വരെ ഞാൻ എഴുതി വച്ചിട്ടുണ്ട് വീട്ടിൽ” എന്ന് കോകില പറഞ്ഞു.

‘അവളുടെ മനസിലുള്ള ഇഷ്ടം അറിഞ്ഞപ്പോൾ എനിക്ക് ഞെട്ടലാണ് ഉണ്ടായത്. വർഷങ്ങളായി മനസിൽ കൊണ്ടു നടക്കുന്ന ഇഷ്ടമാണ്. ആ ഡയറി വായിച്ചപ്പോഴാണ് എനിക്കത് മനസിലായത്. എന്നെ സ്നേഹിക്കുന്ന ആളുണ്ടെന്ന് മനസിലാക്കി. ആ ഡയറി ഒരിക്കലും കള്ളമല്ല. അതിൽ ആത്മാർത്ഥതയുണ്ട്.

ഞാൻ കണ്ടു വളർന്നതാണ് അവളെ. എല്ലാവരും സന്തോഷമായിരിക്കണം. ആരുടേയും പേരെടുത്ത് പറയുന്നില്ല. ‘ എന്ന് ബാല പറഞ്ഞു.

കോകിലയുമായുള്ളത് ഏറെക്കാലത്തെ ബന്ധമാണെന്നും അനുഗ്രഹിക്കാൻ പറ്റുന്നവർ അനുഗ്രഹിക്കണമെന്നും വിവാഹ ശേഷം ബാല പറഞ്ഞു. ചെന്നൈയിലേക്ക് താമസം മാറുന്നതിനേക്കുറിച്ച് ആലോചിച്ചിട്ടില്ലെന്നും കേരളം വലിയ ഇഷ്ടമാണെന്നും അദ്ദേഹം കൂട്ടിച്ചേർത്തു.

ഗായിക അമൃത സുരേഷയായിരുന്നു ബാലയുടെ മുൻ ഭാര്യ. ആ ബന്ധത്തിൽ അവന്തിക എന്നൊരു മകളും ബാലക്കുണ്ട്. തുടർന്ന് ഡോക്ടർ എലിസബത്തിനെ ബാല വിവാഹം ചെയ്തെങ്കിലും ആ ബന്ധം നിയമപരമായി രജിസ്റ്റർ ചെയ്തിരുന്നില്ല.

Story Highlights: Actor Bala marries for the fourth time to his relative Kokila in a private ceremony at Pazhavangadi Temple in Ernakulam.

“ലോകയിൽ കല്യാണി അല്ലാതെ മറ്റൊരാളില്ല”; സൂചന നൽകി സംവിധായകൻ