നടൻ ബാല നാലാമതും വിവാഹിതനായി. കലൂരിലെ ക്ഷേത്രത്തിൽ വച്ച് ഇന്ന് രാവിലെയായിരുന്നു വിവാഹം. നടന്റെ ബന്ധുവായ കോകിലയാണ് വധു. തമിഴ്‌നാട്ടിൽ നിന്നുള്ള കോകിലയെ തന്റെ സ്വന്തം തന്നെയാണെന്ന് ബാല പറഞ്ഞു. വിവാഹത്തിനെത്തിയ എല്ലാ മാധ്യമങ്ങൾക്കും ബാല നന്ദി പറഞ്ഞു.
വിവാഹ ചടങ്ങിന് അമ്മയ്ക്ക് വരാനായില്ലെന്നും വയ്യാതിരിക്കുകയാണെന്നും ബാല വ്യക്തമാക്കി. 74 വയസായ അമ്മയുടെ ആരോഗ്യ നിലയെ കണക്കാക്കിയാണ് വീണ്ടും വിവാഹം ചെയ്തതെന്നും അദ്ദേഹം കൂട്ടിച്ചേർത്തു. അനുഗ്രഹിക്കാൻ ആഗ്രഹിക്കുന്നവർ അനുഗ്രഹിക്കണമെന്നും ബാല പറഞ്ഞു.
കഴിഞ്ഞ ദിവസം താൻ വീണ്ടും വിവാഹിതനാകുമെന്ന് ബാല അറിയിച്ചിരുന്നു. തന്റെ 250 കോടിയുടെ സ്വത്തുക്കൾ അന്യാധീനപ്പെട്ട് പോകരുതെന്നും ഇനിയും ഭാര്യയും കുഞ്ഞുങ്ങളും വേണമെന്നുമായിരുന്നു നടൻ പറഞ്ഞത്. വിവാഹത്തിന് ശേഷം ബാല വധുവിനെ കുറിച്ച് സംസാരിക്കുകയും ചെയ്തു.
Story Highlights: Actor Bala marries for the fourth time to Kokila, a relative from Tamil Nadu, in a temple ceremony in Kaloor.
