Kerala to Control Price Hike During Onam: Minister G.R. Anil

ഓണക്കാലത്ത് സംസ്ഥാനത്തെ നിത്യോപയോഗ സാധനങ്ങളുടെയും പഴം, പച്ചക്കറി ഉത്പ്പന്നങ്ങളുടെയും വില നിയന്ത്രിക്കുന്നതിന് ശക്തമായ നടപടികൾ സ്വീകരിക്കുമെന്ന് ഭക്ഷ്യ-പൊതുവിതരണ വകുപ്പ് മന്ത്രി ജി.ആർ അനിൽ അറിയിച്ചു. വിലക്കയറ്റം സംബന്ധിച്ച സ്ഥിതിഗതികൾ വിലയിരുത്തുന്നതിനായി വിവിധ വകുപ്പുകളിലെ ഉന്നത ഉദ്യോഗസ്ഥരുടെ യോഗത്തിൽ സംസാരിക്കുകയായിരുന്നു മന്ത്രി. ഓണത്തിന് മുന്നോടിയായി സംസ്ഥാനത്തെ അവശ്യസാധനങ്ങളുടെ വിലനിലവാരം ചർച്ച ചെയ്യുകയും വിവിധ വകുപ്പുകൾ സ്വീകരിച്ചിട്ടുള്ള നടപടികളും മന്ത്രി വിലയിരുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കഴിഞ്ഞ രണ്ടു മാസങ്ങളിൽ രാജ്യത്ത് വിലവർധനവ് പ്രകടമായിരുന്നെങ്കിലും, ആഗസ്റ്റ് ആദ്യ ആഴ്ചയിൽ ചില ഉൽപ്പന്നങ്ങളുടെ വില കുറഞ്ഞതായി കണ്ടെത്തി. അരി, വെളിച്ചെണ്ണ, ചെറുപയർ, കടല, തുവര, മുളക് എന്നിവയുടെ വില കുറഞ്ഞപ്പോൾ, പഴം, പച്ചക്കറികൾ, കോഴിയിറച്ചി എന്നീ ഉൽപ്പന്നങ്ങൾക്കും വിലക്കുറവ് രേഖപ്പെടുത്തി. കേന്ദ്ര സർക്കാരിന്റെ കണക്കുപ്രകാരം, കേരളത്തിന്റെ വിലക്കയറ്റനിരക്ക് മറ്റ് ഉൽപാദക സംസ്ഥാനങ്ങളേക്കാൾ താഴെയാണെന്നും കണ്ടെത്തി.

വിലക്കയറ്റം നിയന്ത്രിക്കുന്നതിന്റെ ഭാഗമായി പരിശോധനകൾ ശക്തമാക്കാൻ മന്ത്രി നിർദ്ദേശം നൽകി. ജില്ലകളിൽ മൊത്തവ്യാപാരികളുടെ യോഗം വിളിച്ചുകൂട്ടി വിലനിലവാരം വിശകലനം ചെയ്യണമെന്നും, ജില്ലാ കളക്ടർമാരുടെ നേതൃത്വത്തിൽ വിവിധ ഉദ്യോഗസ്ഥർ പരിശോധനകൾക്ക് നേതൃത്വം നൽകണമെന്നും മന്ത്രി ആവശ്യപ്പെട്ടു. വിലനിലവാരം പ്രദർശിപ്പിക്കാത്ത സ്ഥാപനങ്ങൾക്കെതിരെ ശക്തമായ നടപടി സ്വീകരിക്കണമെന്നും മന്ത്രി നിർദ്ദേശിച്ചു.

ഹണി റോസ് കേസ്: ലൈംഗിക അധിക്ഷേപം നിഷേധിച്ച് ബോബി ചെമ്മണൂർ

Story Highlights: Kerala government to take strong action to control prices of essential goods during Onam

ആലുവയിൽ വൃദ്ധ ആത്മഹത്യ ചെയ്തു