Aashiq Abu's 'Rifle Club': Star-Studded Action Film for Christmas

മലയാള സിനിമാ പ്രേമികൾക്ക് ഈ ക്രിസ്മസ് കാലത്ത് ആഷിഖ് അബുവിന്റെ പുതിയ സിനിമ ‘റൈഫിൾ ക്ലബ്’ എത്തുകയാണ്. ഡിസംബർ 19-ന് തിയേറ്ററുകളിൽ എത്തുന്ന ചിത്രത്തിന്റെ ട്രെയിലർ അണിയറപ്രവർത്തകർ പുറത്തുവിട്ടു. ആക്ഷൻ രംഗങ്ങൾ കൊണ്ട് സമ്പന്നമാകും ‘റൈഫിൾ ക്ലബ്’ എന്ന സൂചനയാണ് ട്രെയിലർ നൽകുന്നത്.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിനീത്കുമാർ അവതരിപ്പിക്കുന്ന സിനിമാ താരമായ കഥാപാത്രം തോക്ക് ഉപയോഗിക്കാൻ പഠിക്കാനായി ദിലീഷ് പോത്തന്റെ അടുത്തെത്തുന്നതും തുടർന്നുള്ള രസകരമായ സംഭവങ്ങളുമാണ് സിനിമയുടെ പ്രധാന ആകർഷണം. പ്രശസ്ത ബോളിവുഡ് സംവിധായകനും അഭിനേതാവുമായ അനുരാഗ് കശ്യപും ലോകപ്രശസ്ത റാപ്പർ ഹനുമാൻകൈന്ഡും ചിത്രത്തിൽ പ്രധാന വേഷങ്ങളിൽ എത്തുന്നുണ്ട്. ദയാനന്ദ് ബാരെ എന്ന കഥാപാത്രത്തെയാണ് അനുരാഗ് കശ്യപ് അവതരിപ്പിക്കുന്നത്. മലയാളത്തിലെ അദ്ദേഹത്തിന്റെ അരങ്ങേറ്റം കൂടിയാണിത്.

‘മായാനദി’ക്ക് ശേഷം ആഷിക്ക് അബു, ശ്യാം പുഷ്കരൻ, ദിലീഷ് നായർ ടീം വീണ്ടും ഒന്നിക്കുന്നു എന്ന പ്രത്യേകതയും ചിത്രത്തിനുണ്ട്. ഒപിഎം സിനിമാസിന്റെ ബാനറിൽ ആഷിഖ് അബു, വിൻസൻറ് വടക്കൻ, വിശാൽ വിൻസൻറ് ടോണി എന്നിവർ ചേർന്നാണ് നിർമാണം. ആഷിക്ക് അബു തന്നെയാണ് ഛായാഗ്രഹണവും നിർവഹിക്കുന്നത്. വിജയരാഘവൻ, റാഫി, സുരേഷ് കൃഷ്ണ, സെന്ന ഹെഗ്ഡെ, വിഷ്ണു അഗസ്ത്യ, ദർശന രാജേന്ദ്രൻ തുടങ്ങി നിരവധി പ്രമുഖ താരങ്ങൾ ചിത്രത്തിൽ അണിനിരക്കുന്നു.

ചക്രിയുടെ ശബ്ദത്തിൽ പുതിയ ഗാനം; രവി തേജ ചിത്രത്തിലെ സാങ്കേതിക വിസ്മയം

‘മഞ്ഞുമ്മൽ ബോയ്സി’ലൂടെ ശ്രദ്ധേയനായ അജയൻ ചാലിശ്ശേരിയാണ് പ്രൊഡക്ഷൻ ഡിസൈനർ. റോണക്സ് സേവ്യർ മേക്കപ്പും മഷർ ഹംസ വസ്ത്രാലങ്കാരവും നിർവഹിക്കുന്നു. വി സാജൻ എഡിറ്റിംഗും സുപ്രീം സുന്ദർ സ്റ്റണ്ടും റെക്സ് വിജയൻ സംഗീതവും കൈകാര്യം ചെയ്യുന്നു. കിഷോർ പുറക്കാട്ടിരി പ്രൊഡക്ഷൻ കൺട്രോളറായും റോഷനും അർജുൻ കല്ലിങ്കലും സ്റ്റിൽസ് ഛായാഗ്രാഹകരായും പ്രവർത്തിക്കുന്നു. ആതിര ദിൽജിത്താണ് ചിത്രത്തിന്റെ പിആർഒ.