Aadujeevitham's Music Misses Oscar Shortlist, Fans Disappointed

പൃഥ്വിരാജ് നായകനായ ‘ആടുജീവിതം’ എന്ന ചിത്രത്തിന് വേണ്ടി പ്രശസ്ത സംഗീത സംവിധായകൻ എ.ആർ. റഹ്മാൻ ഒരുക്കിയ രണ്ട് ഗാനങ്ങൾ ഓസ്കർ അവാർഡിന്റെ അന്തിമ പട്ടികയിൽ നിന്നും പുറത്തായി. ബ്ലെസ്സി സംവിധാനം ചെയ്ത ഈ ചിത്രത്തിന്റെ സംഗീതം ഒറിജിനൽ സ്കോർ, ഗാന വിഭാഗങ്ങളിൽ പ്രാഥമിക പട്ടികയിൽ ഇടം നേടിയിരുന്നു. എന്നാൽ, അക്കാദമി ഓഫ് മോഷൻ പിക്ചർ ആർട്സ് ആൻഡ് സയൻസസ് പുറത്തുവിട്ട പത്ത് വിഭാഗങ്ങളിലെ ചുരുക്കപ്പട്ടികയിൽ ‘ആടുജീവിത’ത്തിന്റെ സംഗീതം ഇടം നേടിയില്ല.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇതിനു മുമ്പ്, കിരൺ റാവു സംവിധാനം ചെയ്ത ‘ലാപതാ ലേഡീസ്’ എന്ന ചിത്രം മികച്ച വിദേശഭാഷാ ചിത്രത്തിനുള്ള ചുരുക്കപ്പട്ടികയിൽ നിന്നും പുറത്തായിരുന്നു. ഇതിനു പിന്നാലെയാണ് സംഗീത വിഭാഗത്തിൽ ‘ആടുജീവിത’വും പുറത്തായത്. ഓസ്കർ പുരസ്കാരത്തിന്റെ പ്രാഥമിക പട്ടികയിൽ 86 ഗാനങ്ങളും 146 സ്കോറുകളും ഇടം പിടിച്ചിരുന്നു.

രാജേഷ് പിള്ള; ജീവിതത്തിനുമപ്പുറമാണു സിനിമയെന്നു ജീവിതം കൊണ്ടു തന്നെ തെളിയിച്ച സംവിധായകൻ

അടുത്തിടെ, ‘ആടുജീവിതം’ ഹോളിവുഡ് മ്യൂസിക് ഇൻ മീഡിയ പുരസ്കാരം നേടിയിരുന്നു. വിദേശഭാഷാ ചിത്രങ്ങളുടെ വിഭാഗത്തിൽ മികച്ച പശ്ചാത്തല സംഗീതത്തിനുള്ള പുരസ്കാരമാണ് എ.ആർ. റഹ്മാൻ ഒരുക്കിയ ചിത്രത്തിന് ലഭിച്ചത്. എന്നാൽ, പ്രതീക്ഷയുണ്ടായിരുന്ന രണ്ട് ചിത്രങ്ങളും വിവിധ വിഭാഗങ്ങളിൽ നിന്നും പുറത്തായതോടെ ആരാധകർ നിരാശയിലാണ്. ഓസ്കർ പട്ടികയിൽ നിന്നുള്ള ഈ പുറത്താക്കൽ ഇന്ത്യൻ സിനിമയ്ക്ക് ഒരു തിരിച്ചടിയായി കണക്കാക്കപ്പെടുന്നു.