Job Openings at GKMRHS Kuttichal for 2025-26

**കാട്ടാക്കട◾:** തിരുവനന്തപുരം ജില്ലയിലെ കുറ്റിച്ചൽ ജി കെ എം ആർ എസിൽ 2025-26 അധ്യയന വർഷത്തേക്ക് വിവിധ തസ്തികകളിലേക്ക് അപേക്ഷ ക്ഷണിച്ചു. പട്ടികവർഗ വികസന വകുപ്പിന് കീഴിലാണ് നിയമനം. ക്ലർക്ക്, ആയ, വാച്ച്മാൻ, ഫുൾടൈം സ്വീപ്പർ, കുക്ക് തുടങ്ങിയ തസ്തികകളിലേക്കാണ് നിയമനം. താത്കാലിക അടിസ്ഥാനത്തിലായിരിക്കും നിയമനം.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

പട്ടികവർഗ വിഭാഗത്തിൽപ്പെട്ട ഉദ്യോഗാർത്ഥികൾക്ക് മാത്രമേ അപേക്ഷിക്കാൻ അർഹതയുള്ളൂ. തിരഞ്ഞെടുപ്പ് അഭിമുഖത്തിന്റെ അടിസ്ഥാനത്തിലായിരിക്കും. പ്രായപരിധി 45 വയസ്സ്.

ക്ലർക്ക് തസ്തികയിലേക്ക് പത്താം ക്ലാസും കമ്പ്യൂട്ടർ പരിജ്ഞാനവും യോഗ്യതയായി നിശ്ചയിച്ചിട്ടുണ്ട്. ആയ, വാച്ച്മാൻ, ഫുൾടൈം സ്വീപ്പർ തസ്തികകളിലേക്ക് ഏഴാം ക്ലാസോ അതിന് മുകളിലോ യോഗ്യതയുള്ളവർക്ക് അപേക്ഷിക്കാം. ഒരു വർഷത്തെ പ്രവൃത്തിപരിചയം അഭികാമ്യം.

കുക്ക് തസ്തികയിലേക്ക് ഏഴാം ക്ലാസോ അതിന് മുകളിലോ യോഗ്യതയുള്ളവർക്ക് അപേക്ഷിക്കാം. ഫുഡ് ക്രാഫ്റ്റ് ഇൻസ്റ്റിറ്റ്യൂട്ടിൽ നിന്നുള്ള ക്രാഫ്റ്റ് സർട്ടിഫിക്കറ്റും ഒരു വർഷത്തെ പ്രവൃത്തിപരിചയവും ഉള്ളവർക്ക് മുൻഗണന നൽകും.

താത്പര്യമുള്ള ഉദ്യോഗാർത്ഥികൾ വെള്ളക്കടലാസിൽ തയ്യാറാക്കിയ അപേക്ഷ ബയോഡാറ്റ, യോഗ്യത, പ്രവൃത്തിപരിചയം, വയസ്സ്, ജാതി എന്നിവ തെളിയിക്കുന്ന സർട്ടിഫിക്കറ്റുകളുടെ പകർപ്പുകൾ സഹിതം സമർപ്പിക്കണം. അപേക്ഷകൾ ഏപ്രിൽ 24ന് വൈകിട്ട് അഞ്ചിനു മുൻപ് കാട്ടാക്കട ട്രൈബൽ എക്സ്റ്റൻഷൻ ഓഫീസിൽ സമർപ്പിക്കണം. കൂടുതൽ വിവരങ്ങൾക്ക് 9447164834 എന്ന നമ്പറിൽ ബന്ധപ്പെടാവുന്നതാണ്.

സിപിഐഎം കണ്ണൂർ ജില്ലാ സെക്രട്ടറിയെ ഇന്ന് തെരഞ്ഞെടുക്കും

Story Highlights: Applications are invited for various temporary positions at the GKMRHS in Kuttichal, Thiruvananthapuram, for the 2025-26 academic year.

വനിതാ പോലീസ് കോൺസ്റ്റബിൾ നിയമനം: 45 പേർക്ക് കൂടി ശുപാർശ