Salesforce CEO Credits Mata Amritanandamayi for Inspiration

ലോക പ്രശസ്ത കസ്റ്റമർ റിലേഷൻഷിപ്പ് മാനേജ്മെന്റ് പ്ലാറ്റ്ഫോമായ സെയിൽസ്ഫോഴ്സിന്റെ സ്ഥാപകനും സിഇഒയുമായ മാർക്ക് ബെനിയോഫ് ഇന്ത്യയുമായുള്ള തന്റെ ആത്മീയ ബന്ധത്തെക്കുറിച്ച് വാചാലനായി. 1996-97 കാലഘട്ടത്തിൽ തിരുവനന്തപുരത്ത് മാതാ അമൃതാനന്ദമയിയുമായി നടന്ന കൂടിക്കാഴ്ചയാണ് സെയിൽസ്ഫോഴ്സ് എന്ന ആശയത്തിന് ജന്മം നൽകിയതെന്ന് ബെനിയോഫ് വെളിപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

സാമൂഹിക പ്രതിബദ്ധതയുള്ള ഒരു കമ്പനി എന്ന നിലയിൽ സെയിൽസ്ഫോഴ്സിനെ മുന്നോട്ട് നയിക്കാൻ തന്റെ ഗുരുവിന്റെ ഉപദേശങ്ങളാണ് പ്രചോദനമായതെന്ന് ബെനിയോഫ് പറഞ്ഞു. ദി എക്കണോമിക് ടൈംസിന് അനുവദിച്ച അഭിമുഖത്തിലാണ് മാർക്ക് ബെനിയോഫ് ഈ വെളിപ്പെടുത്തൽ നടത്തിയത്.

ഇൻഫോസിസ് വീണ്ടും കൂട്ടപ്പിരിച്ചുവിടൽ; മൈസൂരിൽ നിന്ന് 240 പേർക്ക് തൊഴിൽ നഷ്ടം

ലോകത്തെ മാറ്റിമറിക്കാനുള്ള തന്റെ ആഗ്രഹം അമ്മയോട് പങ്കുവെച്ചപ്പോൾ മറ്റുള്ളവർക്കും എന്തെങ്കിലും ചെയ്യാൻ മറക്കരുതെന്ന് അമ്മ ഓർമ്മിപ്പിച്ചതായി ബെനിയോഫ് പറഞ്ഞു. ഈ വാക്കുകളാണ് തന്റെ ജീവിതത്തിലെ എല്ലാ നല്ല മാറ്റങ്ങൾക്കും പിന്നിലെന്നും അദ്ദേഹം കൂട്ടിച്ചേർത്തു.

സാമ്പത്തികവും സാങ്കേതികവുമായ പുരോഗതിക്കൊപ്പം സമൂഹത്തിന്റെ ഉന്നമനം ലക്ഷ്യമാക്കി പ്രവർത്തിക്കുക എന്നതാണ് സെയിൽസ്ഫോഴ്സിന്റെ ലക്ഷ്യമെന്ന് ബെനിയോഫ് വ്യക്തമാക്കി. 24,800 കോടി ഡോളറിന്റെ മൂല്യമുള്ള സെയിൽസ്ഫോഴ്സ് വ്യത്യസ്തമായ ഒരു വ്യവസായ മാർഗ്ഗം സ്വീകരിക്കുന്നു.

കമ്പനിയുടെ വരുമാനത്തിന്റെ ഒരു ശതമാനവും ജീവനക്കാരുടെ സമയത്തിന്റെ ഒരു ശതമാനവും സാമൂഹിക സേവനത്തിനായി മാറ്റിവെക്കുന്നു. വിദ്യാഭ്യാസം, ആരോഗ്യം, പരിസ്ഥിതി സംരക്ഷണം തുടങ്ങിയ മേഖലകളിൽ വിവിധ സാമൂഹിക പദ്ധതികളും സെയിൽസ്ഫോഴ്സ് നടപ്പാക്കിവരുന്നു. 1996-97 കാലത്ത് മാതാ അമൃതാനന്ദമയിയുമായുള്ള കൂടിക്കാഴ്ചയാണ് തനിക്ക് ഊർജ്ജം പകർന്നതെന്ന് ബെനിയോഫ് പറഞ്ഞു.

എല്സ്റ്റണ് എസ്റ്റേറ്റ് തൊഴിലാളികള് അനിശ്ചിതകാല സമരത്തില്

Story Highlights: Salesforce CEO Marc Benioff credits Mata Amritanandamayi for inspiring his company’s social mission.