Kerala Yatra reaches Mohanlal's birthplace in Elanthoor

ലഹരിവിരുദ്ധ, അക്രമവിരുദ്ധ പ്രചാരണവുമായി ട്വന്റിഫോര് ചീഫ് എഡിറ്റര് ആര്. ശ്രീകണ്ഠന് നായര് നയിക്കുന്ന കേരള യാത്രയ്ക്ക് പത്തനംതിട്ടയില് വന് വരവേല്പ്പ് ലഭിച്ചു. ജില്ലയിലെ വിവിധ ഗ്രാമങ്ങളിലൂടെയും കലാലയങ്ങളിലൂടെയും കടന്നുപോയ യാത്രയില് അധ്യാപകരും വിദ്യാര്ത്ഥികളും വലിയ പിന്തുണ നല്കി. മലയാളത്തിന്റെ പ്രിയതാരം മോഹന്ലാലിന്റെ ജന്മനാടായ ഇലന്തൂരിലും യാത്ര എത്തിച്ചേര്ന്നു. പത്തനംതിട്ടയിലെ ഇലന്തൂരിലുള്ള മോഹന്ലാലിന്റെ പുന്നയ്ക്കല് തറവാടിനെ കേരള യാത്രയില് പരിചയപ്പെടുത്തി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

മോഹന്ലാല് ഇടയ്ക്കൊക്കെ തന്റെ നാടായ ഇലന്തൂരില് വരണമെന്ന് നാട്ടുകാര് ആഗ്രഹം പ്രകടിപ്പിച്ചു. 1960 മെയ് 21ന് പത്തനംതിട്ടയിലെ ഇലന്തൂരിലാണ് മോഹന്ലാല് ജനിച്ചത്. തിരുവനന്തപുരത്തായിരുന്നു പിന്നീടുള്ള പഠനവും വളര്ച്ചയും. എന്നാല് കാലം എത്ര കടന്നുപോയാലും മോഹന്ലാലിന്റെ ജന്മനാട് എന്ന പെരുമ ഇലന്തൂരിന് എന്നും അഭിമാനമായി നിലനില്ക്കും. ഇലന്തൂരിലെ ഈ പഴമ നിറഞ്ഞ വീട് മലയാളികള്ക്കും ഏറെ പ്രിയപ്പെട്ടതാണ്.

പരമ്പരാഗത ശൈലിയില് നിര്മ്മിച്ച ഓടിട്ട ഒറ്റനില വീടാണിത്. പഴമയുടെ സൗന്ദര്യം വിളിച്ചോതുന്ന ജനാലകളും റെഡ് ഓക്സൈഡ് പാകിയ നിലവുമെല്ലാം നൊസ്റ്റാള്ജിയ നിറയ്ക്കുന്നു. മോഹന്ലാലിന്റെ അമ്മ ശാന്തകുമാരിയമ്മയുടെ വീടാണ് ഇലന്തൂരിലേത്. പുന്നയ്ക്കല് തറവാട് ഇന്നും മനോഹരമായി സംരക്ഷിക്കപ്പെട്ടിരിക്കുന്നു. കൊച്ചിയിലും തിരുവനന്തപുരത്തും ഊട്ടിയിലുമൊക്കെ വീടുകളുണ്ടെങ്കിലും മോഹന്ലാലിന്റെ മനസ്സിനോട് ചേര്ന്നുനില്ക്കുന്ന വീടുകളിലൊന്നാണിത്.

ശ്വേതാ മേനോനെതിരായ പരാതിയിൽ പരാതിക്കാരനെതിരെ കേസ്; അമ്മയിലെ തിരഞ്ഞെടുപ്പ് ചൂടുപിടിക്കുന്നു

അച്ഛന്റെ ജോലിയുമായി ബന്ധപ്പെട്ട് മോഹന്ലാലും അമ്മയും സഹോദരനുമൊക്കെ പിന്നീട് തിരുവനന്തപുരത്തേക്ക് താമസം മാറ്റി. താരത്തിന് അഞ്ച് വയസ്സുള്ളപ്പോള് അച്ഛന് വിശ്വനാഥന് നായര് തിരുവനന്തപുരം മുടവന്മുകളിലെ കേശവദേവ് റോഡില് പുതിയ വീട് പണിതു. ഹില്വ്യൂ എന്ന ഈ വീട്ടിലാണ് പിന്നീട് മോഹന്ലാല് തന്റെ ബാല്യം, കൗമാരം, യൗവ്വനം എന്നിവ ചെലവഴിച്ചത്. മോഹന്ലാലിന്റെ സിനിമാ ജീവിതത്തിലും ഹില്വ്യൂ എന്ന വീടിന് വലിയ പ്രാധാന്യമുണ്ട്. താരത്തിന്റെ സിനിമാ ജീവിതം ആരംഭിക്കുന്നതും ഈ വീട്ടില് നിന്നാണ്.

1978ല് ‘തിരനോട്ടം’ എന്ന സിനിമയുടെ ചില ഭാഗങ്ങള് ചിത്രീകരിച്ചതും ഇവിടെയാണ്. സ്വന്തം ലാലേട്ടന്റെ വരവിനായി ഇലന്തൂര് നിവാസികള് കാത്തിരിക്കുകയാണ്. ലഹരി വിരുദ്ധ ബോധവല്ക്കരണവുമായി ആര് ശ്രീകണ്ഠന് നായര് നയിക്കുന്ന കേരള യാത്രയെ ഇലന്തൂരും ഹൃദയപൂര്വ്വം സ്വീകരിച്ചു.

Story Highlights: Twentyfour Chief Editor R Sreekandan Nair’s Kerala Yatra received a grand welcome in Pathanamthitta, visiting Mohanlal’s birthplace in Elanthoor.

ചേർത്തലയിൽ മൂന്ന് സ്ത്രീകളെ കൊലപ്പെടുത്തിയത് സെബാസ്റ്റ്യനോ? സഹോദരന്റെ മൊഴി നിർണ്ണായകം

കേരള ക്രിക്കറ്റ് ലീഗ് രണ്ടാം സീസൺ പരസ്യം പുറത്തിറങ്ങി; മോഹൻലാലും ഷാജി കൈലാസും ഒന്നിക്കുന്നു