Empuraan to release on March 27, new poster out

മോഹൻലാൽ നായകനായ പൃഥ്വിരാജ് ചിത്രം ‘എമ്പുരാൻ’ മാർച്ച് 27 ന് തിയേറ്ററുകളിൽ എത്തുമെന്ന് സ്ഥിരീകരിച്ചതോടെ ആരാധകരുടെ ആകാംക്ഷയ്ക്ക് വിരാമമായി. ലൂസിഫറിന്റെ തുടർച്ചയായ ഈ ബ്രഹ്മാണ്ഡ ചിത്രത്തിന്റെ പുതിയ പോസ്റ്റർ പൃഥ്വിരാജ് സമൂഹമാധ്യമങ്ങളിലൂടെ പങ്കുവെച്ചു. “The greatest trick the DEVIL ever pulled. .

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

was convincing the world he doesn’t exist! ” എന്ന ക്യാപ്ഷനോടെയും മാർച്ച് 27 എന്ന ഹാഷ്ടാഗോടെയുമാണ് പോസ്റ്റർ പുറത്തുവന്നത്. പാൻ-ഇന്ത്യൻ തലത്തിൽ റിലീസ് ചെയ്യുന്ന ചിത്രത്തിന്റെ പ്രമോഷൻ പ്രവർത്തനങ്ങൾ മലയാളത്തിൽ ഒരു പുതിയ അധ്യായം രചിക്കുമെന്നാണ് പ്രതീക്ഷിക്കുന്നത്. ക്യാരക്ടർ റിവീലിങ് വീഡിയോ ക്യാമ്പയിനിലൂടെ മലയാള സിനിമയിൽ പുതിയൊരു മാർക്കറ്റിംഗ് തന്ത്രം അവതരിപ്പിച്ച ചിത്രം കൂടിയാണ് എമ്പുരാൻ.

എക്സ്ക്ലൂസീവ് ഷോ ന്യൂയോർക്ക് ടൈം സ്ക്വയറിൽ പ്രദർശിപ്പിക്കാനുള്ള ഒരുക്കത്തിലാണ് അണിയറ പ്രവർത്തകർ. ചിത്രത്തിന്റെ റിലീസ് സംബന്ധിച്ച് നേരത്തെ ചില അനിശ്ചിതത്വങ്ങൾ ഉടലെടുത്തിരുന്നു. കോ-പ്രൊഡ്യൂസർമാരിൽ ഒരാളായ ലൈക്ക പ്രൊഡക്ഷൻസുമായുള്ള ചില തർക്കങ്ങളാണ് ഇതിന് കാരണമെന്ന് റിപ്പോർട്ടുകൾ ഉണ്ടായിരുന്നു. എന്നാൽ പുതിയ അപ്ഡേറ്റോടെ ഈ ആശങ്കകൾക്കും അറുതിയായി.

കേരളത്തിലെ വിതരണാവകാശം ആശിർവാദിനും ഓവർസീസ് വിതരണാവകാശം ലൈക്കയ്ക്കുമാണ്. അടുത്ത ദിവസങ്ങളിൽ സിനിമയുടെ പ്രമോഷൻ പ്രവർത്തനങ്ങൾ കൂടുതൽ സജീവമാകുമെന്നാണ് റിപ്പോർട്ടുകൾ. സോഷ്യൽ മീഡിയയിൽ ചിത്രത്തെ കുറിച്ചുള്ള ചർച്ചകളും സജീവമാണ്. 2019 ൽ റിലീസ് ചെയ്ത ലൂസിഫറിന്റെ വലിയ വിജയത്തിന് ശേഷം മോഹൻലാലും പൃഥ്വിരാജും ഒന്നിക്കുന്ന ഈ ചിത്രത്തിനായി വലിയ പ്രതീക്ഷകളാണ് ആരാധകർക്ക്.

Story Highlights: Mohanlal-Prithviraj film ‘Empuraan’ to release on March 27.

മോഹൻലാലിനെ പൊന്നാടയണിയിച്ച് മമ്മൂട്ടി; ‘പാട്രിയറ്റി’ന്റെ ലൊക്കേഷനിൽ സ്നേഹപ്രകടനം