South Korean Jet Accidentally Bombs Village, 15 Injured

ദക്ഷിണ കൊറിയൻ വ്യോമസേനയുടെ കെഎഫ്-16 യുദ്ധവിമാനം സൈനിക അഭ്യാസത്തിനിടെ ജനവാസ മേഖലയിൽ എട്ട് എംകെ-82 ബോംബുകൾ വർഷിച്ചു. പോച്ചിയോൺ നഗരത്തിലുണ്ടായ ഈ അപകടത്തിൽ 15 പേർക്ക് പരിക്കേറ്റു, ഇതിൽ രണ്ടുപേരുടെ നില ഗുരുതരമാണ്. തലസ്ഥാനമായ സിയോളിൽ നിന്ന് 40 കിലോമീറ്റർ അകലെയാണ് സംഭവം. നിരവധി കെട്ടിടങ്ങൾക്ക് കേടുപാടുകൾ സംഭവിച്ചു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വ്യോമസേനയുടെ അഭിപ്രായത്തിൽ, ഇത് അസ്വാഭികമായി സംഭവിച്ച ഒരു അബദ്ധമാണ്. സംഭവത്തിൽ ഖേദം പ്രകടിപ്പിച്ച അവർ, ഒരു അന്വേഷണ കമ്മിറ്റിയെ നിയോഗിക്കുമെന്നും അറിയിച്ചു. പരിക്കേറ്റവർക്ക് നഷ്ടപരിഹാരവും മറ്റ് ആവശ്യമായ സഹായങ്ങളും നൽകുമെന്നും വ്യോമസേന ഉറപ്പുനൽകി.

സൈന്യവുമായി സംയുക്തമായി നടത്തിയ ലൈവ്-ഫയറിംഗ് അഭ്യാസത്തിനിടെയാണ് ഈ ദുരന്തം ഉണ്ടായത്. അടുത്തയാഴ്ച ആരംഭിക്കുന്ന ഫ്രീഡം ഷീൽഡ് സൈനികാഭ്യാസത്തിന്റെ മുന്നോടിയായിട്ടായിരുന്നു ഈ പരിശീലനം. ദക്ഷിണ കൊറിയയും അമേരിക്കയും ചേർന്ന് നടത്തുന്ന ഈ വാർഷിക സൈനികാഭ്യാസം മാർച്ച് 20 വരെ നീണ്ടുനിൽക്കും. വടക്കൻ കൊറിയയുടെ അതിർത്തിയോട് ചേർന്നാണ് പോച്ചിയോൺ നഗരം സ്ഥിതി ചെയ്യുന്നത്.

ക്രിസ്മസ് പരീക്ഷാ ചോദ്യപേപ്പർ ചോർച്ച: ഉറവിടം കണ്ടെത്തി, മലപ്പുറം സ്വദേശി അറസ്റ്റിൽ

യുഎസ്– ദക്ഷിണ കൊറിയ സംയുക്ത സൈനിക അഭ്യാസത്തിന് മുന്നോടിയായുള്ള പരിശീലനത്തിനിടെയാണ് അപകടം. തിങ്കളാഴ്ച ആരംഭിക്കുന്ന സംയുക്ത അഭ്യാസം മാർച്ച് 20 വരെ നീണ്ടുനിൽക്കും. കെഎഫ്-16 യുദ്ധവിമാനത്തിൽ നിന്നും എട്ട് എംകെ-82 ബോംബുകളാണ് വർഷിച്ചത്.

Story Highlights: A South Korean KF-16 fighter jet accidentally dropped eight bombs on a civilian area during a military exercise, injuring 15 people.

ദക്ഷിണ കൊറിയൻ നടി കിം സെ റോൺ അന്തരിച്ചു