Aluva Maha Shivaratri Festival Preparations Complete

ആലുവ മണപ്പുറത്ത് മഹാശിവരാത്രി ആഘോഷങ്ങൾക്ക് വിപുലമായ ഒരുക്കങ്ങൾ പൂർത്തിയായി. തിരുവിതാംകൂർ ദേവസ്വം ബോർഡിന്റെ നേതൃത്വത്തിൽ 116 ബലിത്തറകളാണ് ഒരുക്കിയിരിക്കുന്നത്. ലക്ഷക്കണക്കിന് ഭക്തർ പിതൃകർമ്മങ്ങൾക്കായി എത്തുമെന്നാണ് പ്രതീക്ഷിക്കുന്നത്. രാവിലെ ലക്ഷാർച്ചനയോടെ ചടങ്ങുകൾക്ക് തുടക്കമായി.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

ഇന്ന് വൈകിട്ട് മുതൽ നാളെ ഉച്ചവരെ ഏതാണ്ട് ഏഴ് ലക്ഷത്തോളം പേർ ഇവിടെ എത്തുമെന്നാണ് അധികൃതർ കണക്കുകൂട്ടുന്നത്. ശിവരാത്രി ബലി ഇന്ന് രാത്രിയും, കുംഭത്തിലെ വാവുബലി വ്യാഴാഴ്ച രാവിലെ 8. 30 നും നടക്കും. ക്ഷേത്രകർമ്മങ്ങൾക്ക് മേൽശാന്തി മുല്ലപ്പിള്ളി ശങ്കരൻ നമ്പൂതിരി മുഖ്യ കാർമ്മികത്വം വഹിക്കും.

രാവിലെ നാല് മണി മുതൽ തന്നെ ക്ഷേത്രത്തിലേക്ക് ഭക്തജനങ്ങളുടെ പ്രവാഹം ആരംഭിച്ചു. കൊച്ചി മെട്രോയും കെഎസ്ആർടിസിയും രാത്രി സ്പെഷ്യൽ സർവീസുകൾ നടത്തും. ആംബുലൻസ് സർവീസ്, നേവിയുടെയും മുങ്ങൽ വിദഗ്ധരുടെയും സേവനം എന്നിവയും ലഭ്യമാക്കിയിട്ടുണ്ട്. ഗ്രീൻ പ്രോട്ടോക്കോൾ പാലിച്ചായിരിക്കും ആഘോഷങ്ങൾ നടക്കുക.

CAT പരീക്ഷയുടെ അഡ്മിറ്റ് കാർഡ് നാളെ മുതൽ; ഡൗൺലോഡ് ചെയ്യുന്ന വിധം ഇങ്ങനെ

നഗരസഭ ഓഫിസ്, പോലീസ് കൺട്രോൾ റൂം, ഫയർ സ്റ്റേഷൻ, ജില്ലാ ആശുപത്രിയുടെ അത്യാഹിത വിഭാഗം എന്നിവയും പ്രവർത്തിക്കും. പ്ലാസ്റ്റിക്കിന് കർശന നിയന്ത്രണവും ഏർപ്പെടുത്തിയിട്ടുണ്ട്. റൂറൽ എസ്പി വൈഭവ് സക്സേനയുടെ നേതൃത്വത്തിൽ കനത്ത സുരക്ഷാ ക്രമീകരണങ്ങളാണ് ഒരുക്കിയിരിക്കുന്നത്. ആലുവ മണപ്പുറത്ത് മഹാശിവരാത്രി ആഘോഷങ്ങൾക്ക് എല്ലാ ഒരുക്കങ്ങളും പൂർത്തിയായതായി അധികൃതർ അറിയിച്ചു.

ഭക്തർക്ക് സുഗമമായ ദർശനത്തിനുള്ള ക്രമീകരണങ്ങളും ഒരുക്കിയിട്ടുണ്ട്.

Story Highlights: Aluva Maha Shivaratri festival preparations complete.

ആലുവയിൽ ബസ് ജീവനക്കാർക്കിടയിൽ ലഹരി ഉപയോഗം വ്യാപകം; കർശന നടപടിയുമായി ഗതാഗത മന്ത്രി