പാലക്കാട് കഞ്ചിക്കോട് ബ്രൂവറിയെ ചൊല്ലി സിപിഐയ്‌ക്കെതിരെ രൂക്ഷ വിമർശനവുമായി ബിജെപി സംസ്ഥാന അധ്യക്ഷൻ കെ. സുരേന്ദ്രൻ രംഗത്ത്. ബ്രൂവറി വിഷയത്തിൽ സമരം നടത്തുന്ന ഏക പാർട്ടി ബിജെപിയാണെന്നും, സിപിഐ നട്ടെല്ലില്ലാത്ത പാർട്ടിയാണെന്നും അദ്ദേഹം ആരോപിച്ചു. പിണറായി വിജയന്റെ നിലപാട് വ്യക്തമായതോടെ സിപിഐയുടെ നിലപാട് ജനങ്ങൾക്ക് മനസ്സിലായെന്നും സുരേന്ദ്രൻ പറഞ്ഞു.
പാലക്കാടിന്റെ പരിസ്ഥിതി തകർക്കുന്ന ഒരു പദ്ധതിയും ബിജെപി അനുവദിക്കില്ലെന്ന് കഞ്ചിക്കോട് ബ്രൂവറിക്കെതിരെ ബിജെപി പാലക്കാട് ജില്ലാ പ്രസിഡന്റ് പ്രശാന്ത് ശിവൻ നയിക്കുന്ന സമര പ്രചരണയാത്ര ഉദ്ഘാടനം ചെയ്ത് അദ്ദേഹം പറഞ്ഞു. എല്ലാ പ്രശ്‌നങ്ങൾക്കും കേന്ദ്രമാണ് കാരണമെന്ന സംസ്ഥാന സർക്കാരിന്റെ വാദം പ്രതിപക്ഷം ആവർത്തിക്കുകയാണെന്നും സുരേന്ദ്രൻ കുറ്റപ്പെടുത്തി. യുഡിഎഫ് നേതാക്കളും വിഡി സതീശനും പത്രസമ്മേളനങ്ങൾ നടത്തുന്നതല്ലാതെ മറ്റൊന്നും ചെയ്യുന്നില്ലെന്നും അദ്ദേഹം പറഞ്ഞു.
കുരയ്ക്കുന്ന പട്ടി കടിക്കില്ല എന്ന അവസ്ഥയാണ് സിപിഐക്കുള്ളതെന്നും ബിനോയ് വിശ്വത്തിന് പിണറായി വിജയനെ പേടിയാണെന്നും സുരേന്ദ്രൻ ആരോപിച്ചു. ബ്രൂവറിക്കെതിരാണെന്ന് കള്ളം പറഞ്ഞ് സിപിഐ ജനങ്ങളെ വഞ്ചിക്കുകയാണെന്നും അദ്ദേഹം പറഞ്ഞു. ഇന്ത്യയിൽ ഏറ്റവും കൂടുതൽ ചൂട് രേഖപ്പെടുത്തിയ സ്ഥലമാണ് പാലക്കാട്. കുടിവെള്ളമില്ലാതെ ജനം കഷ്ടപ്പെടുന്ന ഇവിടെ ബ്രൂവറിക്ക് വേണ്ടി ഭൂഗർഭജലം ഊറ്റില്ലെന്ന എംബി രാജേഷിന്റെ പ്രസ്താവന വെറും വാക്കാണെന്നും സുരേന്ദ്രൻ പറഞ്ഞു.
സംസ്ഥാനത്തിന്റെ പിടിപ്പുകേട് മൂലം ജലജീവൽ മിഷൻ നടപ്പാകുന്നില്ലെന്നും സുരേന്ദ്രൻ കുറ്റപ്പെടുത്തി. യുഡിഎഫ്- എൽഡിഎഫ് പരസ്പര സഹായ മുന്നണികളാണെന്നും, ബിജെപി മാത്രമാണ് ജനങ്ങളുടെ ആശ്രയമെന്നും അദ്ദേഹം പറഞ്ഞു. ഈ സമരം വിജയിക്കാതെ ബിജെപി പിന്നോട്ട് പോകില്ലെന്നും അദ്ദേഹം കൂട്ടിച്ചേർത്തു.
കേരളത്തിലെ ചെറുപ്പക്കാർ നാട് വിടുകയാണെന്നും, തൊഴിലില്ലായ്മ രൂക്ഷമാണെന്നും, സംരംഭകരെ സംസ്ഥാനത്ത് നിന്നും ഓടിക്കുകയാണെന്നും സുരേന്ദ്രൻ വിമർശിച്ചു. എന്നാൽ പ്രതിപക്ഷം ഇതിനെല്ലാം കൂട്ടുനിൽക്കുകയാണെന്നും അദ്ദേഹം പറഞ്ഞു.
Story Highlights: BJP state president K. Surendran criticizes CPI on the brewery issue and alleges that they are a spineless party.
പുതിയ ബ്രൂവറി ആരംഭിക്കാനുള്ള മന്ത്രിസഭാ തീരുമാനത്തെ പ്രതിപക്ഷ നേതാവ് വി ഡി സതീശൻ Read more
എലപ്പുള്ളിയിൽ മദ്യശാല നിർമ്മാണം നടത്താനുള്ള സർക്കാർ തീരുമാനത്തിൽ ഉറച്ചുനിൽക്കുമെന്ന് മുഖ്യമന്ത്രി പിണറായി വിജയൻ. Read more
സിപിഐ ബ്രാഞ്ച് സമ്മേളനങ്ങളിലെ ചർച്ചകളുടെ രാഷ്ട്രീയ ഉള്ളടക്കത്തെ ചൊല്ലി സംസ്ഥാന സെക്രട്ടറി ബിനോയ് Read more
തിരുവനന്തപുരത്ത് ഇന്ന് എൽഡിഎഫ് യോഗം ചേരും. എലപ്പുള്ളി മദ്യ നിർമ്മാണശാല, കിഫ്ബി യൂസർ Read more
ബിജെപി സംസ്ഥാന അധ്യക്ഷ സ്ഥാനത്ത് കെ. സുരേന്ദ്രൻ തുടരാൻ സാധ്യത. തദ്ദേശ, നിയമസഭാ Read more
കേരളത്തിലെ ഇന്ത്യാ സഖ്യം യാഥാർത്ഥ്യമാണെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ. ഭരണപക്ഷവും Read more
കേരളത്തിലെ 2025-ലെ ബജറ്റ് ജനങ്ങളെ നിരാശപ്പെടുത്തിയെന്ന് ബിജെപി സംസ്ഥാന അധ്യക്ഷൻ കെ. സുരേന്ദ്രൻ Read more
വൈപ്പിൻ മാലിപ്പുറത്ത് സിപിഐ-സിപിഐഎം തമ്മിൽ സംഘർഷമുണ്ടായി. സിപിഐ പ്രവർത്തകന് പരുക്കേറ്റു. എറണാകുളം ജില്ലാ Read more
മറ്റു ഘടകകക്ഷികളുമായി കൂടിയാലോചിക്കാതെ മദ്യകമ്പനിക്ക് അനുമതി നൽകിയ സിപിഐഎമ്മിനെ കെപിസിസി പ്രസിഡന്റ് കെ. Read more
മദ്യനിർമ്മാണ പ്ലാൻ്റിന് അനുമതി നൽകിയതിലെ രഹസ്യസ്വഭാവത്തെ ചോദ്യം ചെയ്ത് വി.ഡി. സതീശൻ. മന്ത്രിയുടെ Read more
Related posts:
