പൃഥ്വിരാജിനെ നായകനാക്കി മനു വാര്യർ സംവിധാനം ചെയ്യുന്ന ചിത്രം ‘കുരുതി’ ഒടിടി റിലീസിന്. ഓഗസ്റ്റ് 11ന് ആമസോൺ പ്രൈമിലൂടെയാണ് ചിത്രം റിലീസ് ചെയ്യുക.
പൃഥ്വിരാജ് പ്രൊഡക്ഷൻസിന്റെ ബാനറിൽ പൃഥ്വിരാജിന്റെ ഭാര്യ സുപ്രിയ മേനോനാണ് ചിത്രം നിർമ്മിച്ചിരിക്കുന്നത്. റോഷൻ മാത്യു, മുരളിഗോപി ഷൈൻ ടോം ചാക്കോ, മാമുക്കോയ, നവാസ് വള്ളിക്കുന്ന്, സാഗർ സൂര്യ, നസ്ലെൻ എന്നിവരും ചിത്രത്തിൽ അണിനിരക്കുന്നുണ്ട്.
അനീഷ് പല്ല്യൽ തിരക്കഥയെഴുതിയ ചിത്രം പൊളിറ്റിക്കൽ ത്രില്ലറാണെന്ന് നേരത്തെ വെളിപ്പെടുത്തിയിരുന്നു. ജേക്സ് ബിജോയ്‌ സംഗീത സംവിധാനം നിർവഹിച്ച ചിത്രത്തിന്റെ എഡിറ്റിംഗ് നടത്തിയത് അഖിലേഷ് മോഹനാണ്.
പൃഥ്വിരാജിന്റെ കോൾഡ് കേസും നേരത്തെ ഒടിടി റിലീസ് ആയിരുന്നു. ബോളിവുഡിലെ ‘കോഫി ബ്ലൂം’ എന്ന ചിത്രത്തിൽ ശേഷമാണ് മനു വാര്യർ ‘കുരുതി’ ഒരുക്കുന്നത്.
Story Highlights: Prithviraj film ‘Kuruthi’ to release through Amazon prime on August 11.
