Rakhi Sawant's 3rd Marriage to Pakistani Actor Dodikhan

രാഖി സാവന്തിന്റെ മൂന്നാം വിവാഹം പാകിസ്താനിൽ നടക്കുമെന്ന് റിപ്പോർട്ടുകൾ. പാകിസ്താനി നടനും നിർമ്മാതാവുമായ ദോദിഖാനെയാണ് രാഖി വിവാഹം ചെയ്യുന്നത്. മുസ്ലീം ആചാരപ്രകാരം പാകിസ്താനിൽ വെച്ചായിരിക്കും വിവാഹം നടക്കുക.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

വിവാഹ ശേഷം ദുബായിൽ സ്ഥിരതാമസമാക്കാനാണ് ഇരുവരുടെയും തീരുമാനം. ഇന്ത്യക്കാർക്കും പാകിസ്താനികൾക്കും പരസ്പരം ആശ്രയിക്കാതെ പറ്റില്ലെന്നും തനിക്ക് പാകിസ്താനികളെ ഇഷ്ടമാണെന്നും രാഖി പറഞ്ഞു. പാകിസ്താനിൽ ധാരാളം ആരാധകരുണ്ടെന്നും നടി അഭിമുഖത്തിൽ വെളിപ്പെടുത്തി.

ടൈംസ് ഓഫ് ഇന്ത്യയാണ് ഈ വാർത്ത റിപ്പോർട്ട് ചെയ്തത്. പാകിസ്താനിൽ നിന്ന് നിരവധി വിവാഹാലോചനകൾ വന്നിരുന്നതായും അതിൽ നിന്ന് യോജിച്ചയാളെ തിരഞ്ഞെടുക്കുമെന്നും രാഖി വ്യക്തമാക്കി. മുൻ വിവാഹങ്ങളിൽ താൻ എങ്ങനെ വഞ്ചിക്കപ്പെട്ടുവെന്ന് തനിക്ക് അറിയാമെന്നും രാഖി കൂട്ടിച്ചേർത്തു.

സ്വിറ്റ്സർലൻഡിലോ നെതർലൻഡിലോ ആയിരിക്കും ഇരുവരുടെയും ഹണിമൂൺ. റിപ്പോർട്ടുകൾ പ്രകാരം ദോദിഖാൻ പോലീസിൽ ജോലി ചെയ്തിട്ടുണ്ട്. ആദിൽ ഖാൻ ദുറാനിയായിരുന്നു രാഖിയുടെ രണ്ടാം ഭർത്താവ്.

ഫൂലെ സിനിമ വിവാദത്തിൽ; ബ്രാഹ്മണർക്കെതിരായ പരാമർശങ്ങൾ നീക്കണമെന്ന് ആവശ്യം

രണ്ടാം വിവാഹ ശേഷം രാഖി തന്റെ പേര് ഫാത്തിമ എന്നാക്കി മാറ്റിയിരുന്നു. ഇന്ത്യയിലായിരിക്കും വിവാഹ സ്വീകരണം നടക്കുക.

Story Highlights: Rakhi Sawant is set to marry for the third time, this time to a Pakistani actor and producer, Dodikhan.