RLV Ramakrishnan appointed as Assistant Professor at Kerala Kalamandalam

കേരള കലാമണ്ഡലത്തിലെ ഭരതനാട്യ വിഭാഗത്തിൽ അസിസ്റ്റന്റ് പ്രൊഫസറായി ആർ എൽ വി രാമകൃഷ്ണനെ നിയമിച്ചു. ഈ നിയമനം തനിക്ക് വലിയൊരു സൗഭാഗ്യമായാണ് കാണുന്നതെന്ന് അദ്ദേഹം പ്രതികരിച്ചു. നൃത്ത വിഭാഗത്തിൽ കലാമണ്ഡലം ആരംഭിക്കുന്ന സമയത്ത് എ ആർ ആർ ഭാസ്കർ, രാജരത്നം മാസ്റ്റർ എന്നിവർ അധ്യാപകരായിരുന്നു. അവർക്ക് ശേഷം നൃത്ത വിഭാഗത്തിൽ അധ്യാപകനായി ജോലി ലഭിക്കുന്നത് വലിയ ഭാഗ്യമാണെന്നും അദ്ദേഹം കൂട്ടിച്ചേർത്തു.

വാർത്തകൾ കൂടുതൽ സുതാര്യമായി വാട്സ് ആപ്പിൽ ലഭിക്കുവാൻ : Click here

കലാമണ്ഡലത്തിലെ നിയമനത്തിൽ വളരെയധികം സന്തോഷമുണ്ടെന്ന് ആർ എൽ വി രാമകൃഷ്ണൻ പറഞ്ഞു. സർക്കാർ, സാംസ്കാരിക വകുപ്പ്, കേരള കലാമണ്ഡലത്തിലെ ഭരണ സമിതി അംഗങ്ങൾ, ഗുരുക്കന്മാർ തുടങ്ങി എല്ലാവരോടും സ്നേഹവും കടപ്പാടും ഉണ്ടെന്നും അദ്ദേഹം അറിയിച്ചു. മണിച്ചേട്ടൻ ഇല്ല എന്ന ദുഃഖം മാത്രമാണ് തനിക്കുള്ളതെന്നും അദ്ദേഹം കൂട്ടിച്ചേർത്തു.

മണ്ണാർക്കാടിൽ നിന്ന് കടുവാ നഖങ്ങളും പുലിപ്പല്ലുകളും പിടികൂടി; മുൻ വനപാലകർ അറസ്റ്റിൽ

ജീവിതത്തിൽ നേരിട്ട പ്രതിസന്ധികളെ മുന്നോട്ടുള്ള ചവിട്ടുപടിയായി കാണണമെന്ന് ചേട്ടൻ തന്നെ പഠിപ്പിച്ചിട്ടുണ്ടെന്നും ആർ എൽ വി രാമകൃഷ്ണൻ പറഞ്ഞു. 2022-2024 കാലഘട്ടത്തിലാണ് താൻ എം എ ഭരതനാട്യം ചെയ്തത്. അതിനു ശേഷമാണ് കലാമണ്ഡലത്തിലേക്ക് അപേക്ഷ ക്ഷണിച്ചതെന്നും അദ്ദേഹം വ്യക്തമാക്കി.

Story Highlights: RLV Ramakrishnan appointed as Assistant Professor of Bharatanatyam at Kerala Kalamandalam.

കലാമണ്ഡലത്തിൽ ചരിത്രം; ആദ്യമായി പുരുഷ ഭരതനാട്യ അധ്യാപകൻ